...म्हणून इतर कोणीही याबाबत बोलण्याचा शहाणपणा करू नये: राज ठाकरे

राज ठाकरे यांनीच आता मनसेचे पदाधिकाऱ्यांना शांत राहण्याच्या सूचना दिल्या आहेत.
Raj Thackeray
Raj Thackeray Dainik Gomantak
Published on: 
Updated on: 

महाराष्ट्र नवनिर्माण सेनेचे सर्वेसर्वा राज ठाकरे यांनी अयोध्या दौऱ्यावर जाणार असल्याची घोषणा केली आहे. या घोषणेनंतर विविध राजकीय पक्षांच्या नेत्यांनी यावर आपली प्रतिक्रिया नोंदवली. उत्तर प्रदेशमधील भाजप खासदार ब्रिजभूषण सिंह यांनी तर राज ठाकरे यांनी अयोध्या दौऱ्यावर येण्याआधी उत्तर भारतीयांची हात जोडून माफी मागावी अशी मागणी केली आहे. अशा प्रतिक्रियांना उत्तर देण्यासाठी मनसेचे पदाधिकारी पुढे सरसावले आहेत. (MNS chief Raj Thackeray warns his party members)

Raj Thackeray
ठाकरे सरकारला देवेंद्र फडणवीसांचा इशारा, ओबीसी आरक्षणावर ही मोठं विधान

मात्र राज ठाकरे यांनीच आता मनसेचे पदाधिकाऱ्यांना शांत राहण्याच्या सूचना दिल्या आहेत. ठाकरे यांनी सोशल मीडियावर एक पत्र जारी केले आहे. यामध्ये ठाकरे लिहितात, “महाराष्ट्र नवनिर्माण सेनेचे सर्व पदाधिकारी आणि महाराष्ट्र सैनिकांसाठी… माझ्या अयोध्या दौऱ्याबाबत पक्षातील कुणीही प्रसार माध्यमांशी बोलू नये. पक्षाने प्रवक्ते नेमलेले आहेत, ते याबाबत बोलतील. इतर कोणीही याबाबत बोलण्याचा शहाणपणा करू नये.”

तसेच “इतर कोणत्याही विषयात पदाधिकारी अथवा कोणीही बोलू नये. ज्यांना जी जबाबदारी दिली आहे, त्यांनीही जबाबदारीने बोलावे, तसेच भाषेचे भान राखावे. जे लिहिलंय ते पक्षातील सर्वांनी अत्यंत गांभीर्याने घ्यावे. जय महाराष्ट्र!” असे म्हणत राज ठाकरे यांनी सर्वच मनसे पदाधिकारी आणि कार्यकर्त्यांना कडक सूचना दिली आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

Mumbai Couple Assault Viral Video
Amit Shah praises PM Modi's development work
Konkani Language
More Than 500 Dolphins Spotted Together In Malvan Sea