Maharashtra Police: या जिल्ह्यांमध्ये महिला पोलिसांसाठी कामाचे तास झाले कमी

नागपूर शहरात महिला पोलिसांना (Women police)प्रायोगिक तत्त्वावर आठ तासाची ड्युटी दिली या उपक्रमानंतर पोलीस महासंचालक (Director General of Police) संजय पांडे यांनी या निर्णयाबाबत विचार करावा अशी सूचना दिल्या आहेत.

त्यानंतर लगेचच पुणे ग्रामीण पोलिसांनी (Pune Rural Police)महिला कर्मचाऱ्यांची ड्युटी आठ तासांची जाहीर केली. त्यापाठोपाठ हा घेऊन त्यावर अंमलबजावणी (Implementation)करणारे अमरावती हे तिसरे ठिकाण बनले आहे.

पोलीस दलातील महिलांना 12 तास ऐवजी आठ तासाची ड्युटी देण्याचा मोठा निर्णय आता पुणे आणि नागपूर पाठोपाठ अमरावती पोलीस आयुक्त आरती सिंग यांनी घेतला आहे. चार तासांची ड्युटी कमी होत झाल्यामुळे महिला पोलिसांना मोठा दिलासा मिळाला आहे. आनंदाची बाब म्हणजे त्याची अंमलबजावणी उद्यापासूनक्सह सुरु होईल. यात 275 महिलांना या निर्णयाचा फायदा होणार आहे.

नागरिकांसाठी पोलीस दलात आपले कर्तव्य चोखपणे पार पाडत असलेल्या महिलांना 12 तास काम करावे लागत आहे. महिला कर्मचाऱ्यांना ड्युटीबरोबर आपली कौटुंबिक जबाबदारी (Family responsibilities) सुद्धा पार पाडावी लागत असते. सण-उत्सवाचा बंदोबस्तात गंभीर गुन्हे झाल्यानंतर अनेक वेळा त्यांना 12 तासापेक्षा जास्त वेळ आपले कर्तव्य बजावावे लागत असते. आणि यामुळे त्यांच्या कौटुंबिक जबाबदारीवर आणि कर्तव्यावर मोठा परिणाम होत असतो. असे निदर्शनास ही आले आहे. यामुळे पोलीस विभागाने महिलां कर्मचाऱ्यांना बारा तास च्या ऐवजी आठ तासाची ड्युटी केला आहे. त्यामुळे महिलांना चार तासाची सूट मिळाल्यामुळे महिला कर्मचाऱ्यांमध्ये मोठा आनंद झाला आहे.

याबाबत अमरावतीच्या पालकमंत्री यशोमती ठाकूर (Yashomati Thakur)म्हणाले, महाराष्ट्रातील सर्व पोलीस ठाण्यांनी आसा अत्यंत चांगला उपक्रम राबवावा. या निर्णयामुळे महिला पोलिसांना मोठा दिलासा मिळेल अशी अशा आहे.