मुंबई: महाराष्ट्रातील पोलीस (Maharashtra Police) भरतीच्या प्रतिक्षेत असणाऱ्यांसाठी एक चांगली बातमी आहे. महाराष्ट्र पोलीस भरतीबाबत राज्याचे गृहमंत्री दिलीप वळसे पाटील यांनी काल महत्वाची घोषणा केली आहे. यंदा महाराष्ट्र पोलीस दलात एकूण 12 हजार 200 पदांची भरती केली जाणार आहे. मात्र, या वर्षाच्या शेवटच्या महिन्यात म्हणजे 31 डिसेंबर पूर्वी कोणत्याही परिस्थितीत 5 हजार 200 पदांची भरती करणार असे त्यांनी सांगतिले.
त्याचबरोबर इतर 7 हजार रिक्त पदांबाबत लवकरच निर्णय घेण्यात येणार असल्याची माहिती दिलीप वळसे पाटील यांनी दिली आहे. दिलीप वळसे यांच्या या घोषणेनंतर महाराष्ट्र पोलीस दलात भरती होण्याची तयारी करत असलेल्या तरूणांमध्ये उत्साह पाहायला मिळत आहे. (Maharashtra Police Bharti 2021 5200 posts in police force to be filled immediately)
राज्याचे गृहमंत्री दिलीप वळसे पाटील औरंगाबाद दौऱ्यावर होते. औरंगाबाद येथिल पत्रकारांशी संवाद साधतांना गृहमंत्र्यांनी ही माहिती दिली. त्यावेळी औरंगाबाद येथे पोलीस दलाच्या अनुषंगाने विविध मुद्यांवर त्यांनी भाष्य केले. दरम्यान महाराष्ट्र पोलीस दलात डिसेंबरपूर्वी 5200 जागांवर भरती केली जाईल. तसेच इतर उर्वरित 7 हजार पदांची भरतीबाबत लवकर निर्णय घेतला जाईल, असे त्यांनी म्हटले आहे. मराठा आरक्षण आंदोलनादरम्यान काही गुन्हे दाखल झाले आहेत ते मागे घेतलेले आहेत. आता उर्वरित गुन्हेही मागे घेतले जातील, अशी घोषणाही त्यांनी यावेळी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
