Drought-Hit Farmers to Receive ₹5,000 Before Diwali: महाराष्ट्रातील शेतकऱ्यांसाठी दिवाळीपूर्वीच दिलासादायक बातमी समोर आली. राज्यातील दुष्काळग्रस्त शेतकऱ्यांच्या खात्यात थेट 5000 रुपयांची मदत जमा केली जाणार असल्याची मोठी घोषणा मुख्यमंत्री देवेंद्र फडणवीस यांनी केली. केंद्र सरकारच्या मदतीची वाट न पाहता राज्य सरकारने स्वतःच्या तिजोरीतून ही मदत देण्याचा निर्णय घेतला.
या मदतीमागील मुख्य कारण म्हणजे यंदा महाराष्ट्रात पावसाने हुलकावणी दिली आहे. जून ते सप्टेंबर दरम्यान राज्यात केवळ 80 टक्केच पाऊस झाला असून, सोलापूरसारख्या जिल्ह्यांमध्ये तर 50 टक्क्यांपेक्षाही कमी पाऊस पडला आहे. स्थिती इतकी बिकट झाली आहे की, सरकारला 34 जिल्ह्यांमधील 305 तालुक्यांमध्ये दुष्काळ जाहीर करावा लागला. याचाच अर्थ राज्याचा 75 टक्के भाग दुष्काळाच्या छायेत आहे. मराठवाडा, विदर्भ, उत्तर महाराष्ट्र आणि पुणे विभागाला या दुष्काळाचा सर्वाधिक फटका बसला. त्यामुळेच मुख्यमंत्र्यांनी सप्टेंबरमध्येच दुष्काळग्रस्त भागाचा दौरा करुन शेतकऱ्यांना तातडीने मदत देण्याचे आश्वासन दिले होते.
फक्त 5 हजार रुपयांची आर्थिक मदतच नाही, तर राज्य सरकारने शेतकऱ्यांसाठी (Farmers) इतरही अनेक महत्त्वाच्या घोषणा केल्या आहेत. यामध्ये पीक कर्ज वसुलीवर पूर्ण स्थगिती, वीज बिलात सवलत, पीक कर्जाचे नवीन स्ट्रक्चर करुन व्याजात दिलासा, शालेय फीमध्ये सवलत आणि पीक नुकसानीसाठी स्वतंत्र भरपाई यांचा समावेश आहे.
दिवाळीपूर्वी केंद्राकडून मदत मिळण्याची शक्यता नसल्याने राज्य सरकारने ही तात्काळ मदत देण्याचे ठरवले. जर भविष्यात केंद्राकडून निधी मिळाला, तर आणखी मदत दिली जाईल. जर तुम्ही महाराष्ट्रातील शेतकरी असाल, तर तुमचे आधार कार्ड बँक खात्याशी लिंक ठेवा, जेणेकरुन ही रक्कम थेट डीबीटीद्वारे तुमच्या बँक खात्यात जमा होईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.