विधानसभा अध्यक्ष निवडणुकीसाठी राज्य सरकारकडून 16 तारखेचा मुहूर्त

मुंबई: महाराष्ट्र सरकारने विधानसभा अध्यक्षपदाच्या निवडणुकीसाठी 16 मार्च ही तारीख निश्चित केली आहे. याबाबतचा प्रस्ताव राज्यपाल भगतसिंह कोश्यारी यांना पाठिवण्यात आला आहे. मात्र, राज्यपालांकडून अजून यावर प्रतिसाद आलेला नाही.

महाराष्ट्र (Maharashtra) सरकारने विधानसभा अध्यक्षपदाची निवडणूक गुप्त मतदान पद्धतीऐवजी खुल्या पद्धतीने घेण्यासंबंधीची सुधारणा नियमांमध्ये केली आहे. मात्र त्या सुधारीत नियमांना राज्यपालांनी आक्षेप घेतला. अर्थसंकल्पीय अधिवेशनाच्या दुसऱ्या आठवडय़ात अध्यक्षपदाची निवडणूक घेण्याचे सरकारचे (Government) नियोजन होते. मात्र राज्यपालांनी त्यात रोडा घातला. सरकार मधील अनेक नेत्यांनी राज्यपालांनाची भेट घेतली. मात्र राज्यपालांकडून सकारात्मक प्रतिसाद मिळालेला नाही.

विधानसभा अध्यक्षपदाच्या निवडणुकीवरून राज्य सरकार आणि राज्यपालांमद्धे अनेक दिवसांपासून संघर्ष सुरू आहे. राज्य मंत्रिमंडळाच्या बैठकीत विधानसभा अध्यक्षपदाची निवडणूक 16 मार्चला घेण्याचे ठरविण्यात आले. ही निवडणूक (Election) होते की नाही याकडे सर्वांचे लक्ष लागले आहे.