Pune Chain Snatcher: महाराष्ट्रातील पुणे शहरात दिवसेंदिवस गुन्हेगारीच्या प्रकरणांमध्ये वाढ होताना दिसत आहे. हत्या, दरोडा, बलात्कार, चोरी अशा प्रकारच्या अनेक घटना समोर येत आहेत. अलिकडेच सोनसाखळी चोरांनी देखील शहरात धुमाकूळ घातला आहे.
पुणे शहर आणि आसपासच्या परिसरात दिवसाला पाच ते सहा अशा प्रकारच्या घटना घडत असल्याचे समोर आले आहे. यातच पुण्यातील शिवाजीनगर परिसरातील मॉडेल कॉलनी भागात दुचाकीवरुन आलेल्या भामट्याने पत्ता विचारण्याच्या बहाण्याने आजीच्या गळ्यातील सोनसाखळी हिसकावण्याचा प्रयत्न केला.
पण तिच्यासोबत असलेल्या 10 वर्षाच्या नातीने चोरट्याचा प्रयत्न हाणून पाडला आहे. संपूर्ण घटना सीसीटीव्ही कॅमेऱ्यात कैद झाली असून या घटनेतील आजीच्या नातीच्या धाडसाचे कौतूक होत आहे.
मिळालेल्या माहितीनुसार, मॉडेल कॉलनी येथे राहणाऱ्या लता घाग या आजी संध्याकाळी आठ वाजण्याच्या सुमारास आपल्या दोन नातींसोबत रस्त्यावर मुलीच्या घरी जात होत्या.
त्यावेळी दुचाकीवरून आलेल्या सोन साखळी चोरट्याने आजीच्या गळ्यातील चेन हिसकवण्याचा प्रयत्न केला. पण त्यांच्यासबोत असलेल्या 10 वर्षाच्या नातीने चोरट्याचा प्रयत्न हाणून पाडला. ही घटना 25 फेब्रुवारी रोजी शिवाजीनगर परिसरातील मॉडेल कॉलनी भागात घडली.
या घटनेचा व्हिडिओ सोशल मीडियावर व्हायरल झाल्यानंतर पुणे पोलिसांनी अज्ञात व्यक्तीविरोधात गुन्हा दाखल करुन त्याचा शोध घेतला जात आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.