Amboli Accident: 12 लाखांच्या स्पोर्ट्स बाईकसह 70 हजारांच्या हेल्मेटचा चक्काचूर; कोल्हापुरातील उद्योजकाच्या मुलाचा आंबोलीत मृत्यू

Kolhapur bike accident: सिद्धेच्या डोक्यावर अत्याधुनिक ७० हजार रुपये किंमतीचे हेल्मेट होते मात्र, तरी देखील त्याचा मृत्यू झाला.
Kolhapur businessman’s son dies in Amboli bike accident
Amboli ghat crashDainik Gomantak
Published on
Updated on

आंबोली : 'आवरा वेगाला, सावरा जिवाला', रस्त्यावर जागोजागी लावलेले फलक वाहन चालवताना वेगावर नियंत्रण ठेवण्याचा सल्ला देतात. याच वेगाचा मोह कोल्हापुरातील २३ वर्षीय तरुणाच्या अंगलट आला आहे. आजरा आंबोली महामार्गावर देवर्डे मादाळ तिट्टा या दरम्यान झालेल्या अपघातात तरुणाचा मृत्यू झाला आहे. हा अपघात एवढा भीषण होता की या १२ लाखांच्या स्पोर्ट्स बाईकसह ७० हजारांच्या हेल्मेटचा चक्काचूर झाला आहे.

सिद्धेश विलास रेडेकर (२३, रा. माळी कॉलनी, टाकळा, कोल्हापूर) असे या अपघातात मृत झालेल्या तरुणाचे नाव आहे. सिद्धेश नामांकित बांधकाम व्यावसायिक विलास रेडेकर यांचा मुलगा होता तो कोल्हापुरात आर्किटेक्चरचे शिक्षण घेत होता. मित्रांसोबत आंबोलीकडे बाईकवरुन फिरण्यासाठी गेला असता रविवारी (२० एप्रिल) सकाळी अकरा वाजता त्याचा कारला धडकून अपघात झाला. उपचारासाठी त्याला रुग्णालयात दाखल करण्यात आले पण, उपचारादरम्यान त्याचा मृत्यू झाला.

Kolhapur businessman’s son dies in Amboli bike accident
Pope Francis Death: पोप फ्रान्सिस यांचे वयाच्या 88 व्या वर्षी निधन

मिळालेल्या अधिकच्या माहितीनुसार, सिद्धेश बायकर होता, त्याला फिरण्याची आवड होती. रविवारी (२० एप्रिल) तो मित्रांसोबत आंबोलीकडे फिरण्यासाठी जात होता. त्याचवेळी त्याचा अपघात झाला. सिद्धेश एकुलता एक होता. त्याच्या अपघाताची माहिती मिळताच नागरिकांनी मोठ्या संख्येने गर्दी केली होती.

Kolhapur businessman’s son dies in Amboli bike accident
FDA Raid Ponda: फोंड्यातील मेगा मार्टमध्ये उंदरांचा सुळसुळाट, 'एफडीए'च्या छाप्यात धक्कादायक वास्तव समोर

सिद्धेच्या डोक्यावर अत्याधुनिक ७० हजार रुपये किंमतीचे हेल्मेट होते मात्र, तरी देखील त्याचा मृत्यू झाला. याशिवाय त्याच्या १२ लाख रुपये किंमतीच्या स्पोर्ट्स बाईकचा देखील चक्काचूर झाला. दरम्यान, सिद्धेशच्या हेल्मेटला असलेल्या कॅमेऱ्यामुळे अपघाताची अधिक माहिती समोर येण्याची शक्यता आहे. पण, या अपघाताला सिद्धेशच्या बाईकचा वेगच कारणीभूत असल्याची शक्यता वर्तवली जात आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com