कोल्हापूर: बेळगाव-वेंगुर्ला मार्गावर मंगळवारी (२२ एप्रिल) एका ट्रक आणि प्रवासी बसची धडक होऊन मोठा अपघात झाल्याचं समोर आलंय. या अपघातात बसच्या चालकाचा मृत्यू झाला असून, बसमधील सुमारे १५ प्रवासी गंभीर जखमी झाले आहेत. जखमींना उपचारासाठी तातडीने रूग्णालयात दाखल करण्यात आलं आहे.
समोर आलेल्या माहितीनुसार, ही धडक इतकी जबरदस्त होती की, बसचा पुढील भाग पूर्णपणे चेंदामेंदा झाला असून ट्रकच्या केबिनचेही मोठं नुकसान झालं आहे. अपघातानंतर काही काळ वाहतूक पूर्णपणे ठप्प झाली होती.
स्थानिक ग्रामस्थ आणि पोलिसांनी घटनास्थळी धाव घेऊन बचावकार्य सुरू केले. जखमींना बाहेर काढून तातडीनं रुग्णालयात दाखल करण्यात आलं.
घटनेनंतर काही मिनिटांतच परिसरातील नागरिकांनी घटनास्थळी गर्दी केली होती. जखमी प्रवाशांना बसमधून बाहेर काढत त्यांना तातडीनं रुग्णालयात दाखल करण्यात आलं.
दरम्यान, अपघाताची नोंद पोलीस ठाण्यात करण्यात आली आहे. पोलिसांनी घटनास्थळी भेट देत पंचनामा केला असून, अपघाताच्या नेमक्या कारणांचा शोध घेण्यासाठी पोलीस तपास सुरू आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.