मुंबईत आयएनएस रणवीर (INS Ranvir) या युद्धनौकेत स्फोट झाला आहे. मंगळवारी संध्याकाळी उशिरा आयएनएस रणवीरमध्ये झालेल्या स्फोटात भारतीय नौदलाचे तीन जवान शहीद झाले, तर अनेक जण जखमी झाल्याचे सांगण्यात येत आहे. स्फोटाबाबत माहिती देताना भारतीय नौदलाच्या (Indian Navy) अधिकाऱ्याने सांगितले की, INS रणवीर पूर्व नौदल कमांडकडून क्रॉस कोस्ट ऑपरेशनल तैनातीवर होते आणि लवकरच बेस पोर्टवर परतणार होते. दरम्यान, आयएनएस रणवीरमध्ये स्फोट झाला आणि हि दुर्घटना घडली.
नौदलाच्या अधिकाऱ्याने सांगितले की, जहाजाच्या कर्मचाऱ्यांनी त्वरित प्रतिक्रिया दिली आणि परिस्थिती नियंत्रणात आणली. सध्या या स्फोटात कोणतीही मोठी हानी झालेली नाही. असे त्यांनी सांगितले मात्र, आयएनएस रणवीरमध्ये स्फोट कसा झाला याची चौकशी करण्यासाठी बोर्ड ऑफ इन्क्वायरीचे आदेश देण्यात आले आहेत.
जाणून घ्या INS रणवीर काय आहे
INS रणवीर ही एक युद्धनौका आहे आणि ती भारतीय नौदलाच्या राजपूत वर्गातील 5 विनाशक जहाजांपैकी चौथे जहाज आहे. ऑक्टोबर 1986 मध्ये ते जहाज नौदलात सामील झाले. INS रणवीरमध्ये 30 अधिकारी आणि 310 खलाशी आहेत. जे शस्त्रे आणि सेन्सर्सने सुसज्ज आहे. यामध्ये पृष्ठभागावरून पृष्ठभागावर आणि जमिनीपासून हवेत मारा करणारी मोठं मोठी क्षेपणास्त्रे, विमानविरोधी, क्षेपणास्त्रविरोधी तोफा आणि टॉर्पेडो, पाणबुडीविरोधी रॉकेट लाँचर्सही आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
