नाशिकजवळ रेल्वे अपघात, एलटीटी-जयनगर एक्स्प्रेसचे डबे रुळावरून घसरले

महाराष्ट्रात (Maharashtra) नाशिकजवळ (Nashik) आज रेल्वे अपघात झाला आहे. एलटीटी-जयनगर एक्स्प्रेसचे (LTT-Jaynagar Express) अनेक डबे रुळावरून घसरल्याने परिसरात भीतीदायक वातावरण निर्माण झाले होते. एलटीटी-जयनगर एक्स्प्रेस मुंबईतील लोकमान्य टिळक टर्मिनस येथून बिहारमधील जयनगरकडे जात होती. यादरम्यान ट्रेन रुळावरून घसरली. त्याचे काही डबे रुळावरून घसरले. या घटनेनंतर घबराटीचे वातावरण निर्माण झाले होते. ही घटना आज दुपारी 3.10 च्या सुमारास लहवित ते देवळाली दरम्यान घडली.

घटनेची माहिती मिळताच अपघात निवारण गाडी आणि मेडिकल व्हॅन घटनास्थळी दाखल झाल्या. मध्य रेल्वेच्या सीपीआरओने ही माहिती दिली आहे. सीपीआरओ-सीआरने दिलेल्या माहितीनुसार, ट्रेनचे सुमारे 10 डबे रुळावरून घसरले. त्यामुळे या मार्गावर येणाऱ्या इतर गाड्या रद्द करण्यात आल्या असून काही मार्गावरील रेल्वे वाहतूक वळवण्यात आली आहे.