Disha Salian Suicide Case: का केली होती दिशा सालियनने आत्महत्या?

Disha Salian Suicide Case: दिशा सालियन आत्महत्येप्रकणावरून महाराष्ट्रात राजकारण सुरू आहे. यासंदर्भात आता तिच्या आई-वडिलांनी समोर येऊन तिच्या आत्महत्येबाबत कारण स्पष्ट करत कुणीही यावरून राजकारण करू नये, अशी विनंती केली आहे.

स्वर्गीय अभिनेता सुशांत सिंग राजपूतची मॅनेजर दिशा सालियन (Disha Salian) हिने 8 जून 2020 ला राहत्या घराच्या बाल्कनीमधून उडी मारून आत्महत्या केली होती. त्यानंतर ही केस बंद करण्यात आली. पण त्यानंतर 14 जूनला ज्यावेळी सुशांत सिंग राजपूतने (Sushant Singh Rajput) आत्महत्या केली त्यावेळी दिशा सालियन आत्महत्येचा मुद्दाही पुन्हा वर आला. यासंदर्भात अनेक गोष्टी बोलल्या जात होत्या.

मात्र आता दिशाच्या आई-बाबांनीच मीडियासमोर येत या प्रकरणावर भाष्य केले आहे. ते म्हणाले की, 'दिशाच्या आत्महत्येनंतर अजूनही तिच्यावर होत असलेल्या आरोपांमुळे आमच्या मुलीची बदनामी होत आहे. तिने कामाच्या तणावातून आत्महत्या केली. ऑफिसमधील तणावामुळे आणि व्यावसायिक डील होत नसल्याने तिने आत्महत्या केली. तरीदेखील तिच्यावर बलात्कार झाला किंवा अशा अनेक गोष्टी बोलल्या जात आहेत. त्यामुळे कोणीही कृपया तिची बदनामी करू नका', असे आवाहन दिशाच्या आईवडिलांनी केले आहे.