Nana Patole
Nana Patole Dainik Gomantak

ओबीसी आरक्षणावरुन महाविकास आघाडीत बिघाडी ?

ओबीसी आरक्षणावरुन 'मविआ'मध्ये वादाची ठिणगी

ओबीसी आरक्षणच्या निमित्ताने महाराष्ट्रात महाविकास आघाडीत बिघाडीची शक्यता निर्माण झाली आहे. कारण मध्य प्रदेशनं ओबीसी राजकीय आरक्षण टिकवून दाखवलं तर महाराष्ट्राची गाडी अहवालावरच अडकून पडली. याबाबत प्रारंभी महाराष्ट्रात ही हे आरक्षण मिळेल अशी अपेक्षा अनेक राजकिय नेत्यांनी बोलून दाखवली होती. असे असले तरी मात्र मविआचा घटकपक्ष असलेल्या काँग्रेसने सरकारला इशारा दिला आहे. काँग्रेसचे प्रदेशाध्यक्ष नाना पटोले यांनी मुख्यमंत्री उद्धव ठाकरे यांना पत्र लिहिलं आहे. (Controversy erupts in 'Mavia' over OBC reservation )

मुख्यमंत्र्यांनी राज्यातील सर्व ओबीसींना न्याय मिळवून द्यावा अशी मागणीही पटोले यांनी केली आहे. याच दरम्यान आज मुंबईत काँग्रेस कार्यकारिणीची बैठक होत आहे. या बैठकीत मविआमधील धुसफूसीवर खलबतं होण्याची शक्यता आहे. मात्र राज्यात सत्तेत असूनही काँग्रेसने आंदोलनाचा इशारा दिल्यानं तर्कवितर्कांना उधाण आलं आहे.

Nana Patole
केंद्राच्या साहाय्याने राज्यात ‘क्रूझ टर्मिनल’ला प्रोत्साहन

मुंबई ओबीसी आरक्षणाच्या मुद्द्यावरून महाराष्ट्र प्रदेश काँग्रेस कमिटी ओबीसी विभागातर्फे राज्यभरात ओबीसी आक्रोश आंदोलन छेडण्याचा इशारा देण्यात आला आहे. याची गंभीर दखल घेऊन नाना पटोले यांनी थेट मुख्यमंत्री उद्धव ठाकरे यांच्याकडे दाद मागितली आहे. महाराष्ट्रातील सर्व ओबीसींना न्याय मिळवून द्यावा, अशी मागणी केली आहे. ओबीसी समाजावर राजकीय, सामाजिक, आर्थिक, शैक्षणिक क्षेत्रात अन्याय होत आहे. महाराष्ट्रासारख्या पुरोगामी राज्यात बहुजनांवर अन्याय होणे योग्य नाही, असे या पत्रात म्हटलं आहे.

Nana Patole
गोवा गुन्हेगारी मुक्त करण्यास सहकार्य करा : पोलिस अधीक्षक शोभित सक्सेना

नाना पटोले यांनी आज माध्यमांशी बोलताना म्हटलं की, फडणवीस सरकार असताना 2017 पासून ओबीसींच्या राजकीय अधिकारांवर घाला घालण्यात आला. फडणवीस सरकारपासून ओबीसी समाजाला ग्रहण लागलं आहे. आजही ते संपलेलं नाही, म्हणून महाराष्ट्र ओबीसी समाजात आक्रोश आहे. महाराष्ट्र प्रदेश ओबीसी सेल आणि ओबीसी संघटना निवेदन मला दिले ते मी मुख्यमंत्र्यांना पाठवले. त्यामूळे या मुद्यावरुन आघाडीत बिघाडी होणार का ? याकडे विरोधीपक्ष लक्ष ठेऊन आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa News on Dainik Gomantak
dainikgomantak.esakal.com