आधी रामाच्या नावाने आणि आता दाऊदच्या नावाने मतं मागणार का? ठाकरे यांचे भाजपला प्रत्युत्तर

मुंबई : अर्थसंकल्पीय अधिवेशनाच्या शेवटच्या दिवशी राज्याचे मुख्यमंत्री उद्धव ठाकरे यांनी विधानसभेत भाषण केले. यावेळी त्यांनी विविध मुद्द्यांना हात घालत टीका करणाऱ्या भाजपवर सडकून टीका केली. तसेच आधी निवडणुकीसाठी राम मंदिराचा विषय उचलला आणि मतं मागीतली. तो विषय निकाली लागल्याने आता यापुढे दाऊदचा विषय घेणार आहात का? आधी रामाच्या नावाने आणि येथून पुढे दाऊदच्या नावाने मतं मागणार आहात का? असा सवाल उपस्थित केला. (CM uddhav thackeray slams bjp ahead of maharashtra budget session on dawood)

मुख्यमंत्री ठाकरे (chief minister Uddhav Thackeray) म्हणाले, यंदाच्या अधिवेशनात दाऊद आणि जुते हा विषय सारखा उचलला आणि चगळला गेला. पण ज्या दाऊदच्या नावावर राजकारण करता हा दाऊद आहे तरी कुठे? याची माहिती तरी आहे का? हे कोणालाच माहित नाही. यावेळी मुख्यमंत्री (CM) ठाकरे यांनी गोपीनाथ मुंडे (Gopinath Munde) हे उपमुख्यमंत्री असतानाचा किस्सा सांगितला, त्यांनी सांगितलं होतं की, दाऊदला आम्ही फरफटत आणू. पण सध्या दाऊद नाही तर आपणच त्याच्या फरफटत जात आहोत. त्याचा हा हस्तक तो हस्तक म्हणून शोध घेत आहोत.

तसेच त्यांनी टीका करणाऱ्या भाजपवर (BJP) हल्ला चढवताना, ओबामा यांनी आपण हल्ला केला तर पाकिस्तान (Pakistan) काय करेल? याची पर्वा केली नाही. तर त्यांनी आपल्या देशात हल्ला करणारा ज्या देशात होता तेथे सैन्य उतरवले आणि लादेनचा (Osama bin Laden) खात्मा केला. पण त्यांनी ओसामाच्या नावाने मतं मागितली नाहीत? किंवा निवडणुकीत तसा उल्लेख ही केला नाही. याला म्हणतात मर्दपणा. का नाही मारत दाऊदला? तुम्हाला माहित आहे ना? तर जा घुसा दाऊदच्या (dawood ibrahim) घरात आणि मारा त्याला.

त्याचबरोबर मी कडवड हिंदुत्ववादी आहे आणि राहणारच असं बोलताना, काश्मीरमध्ये (Kashmir) मेहबुबा मुफ्तीसोबत सत्तेत भाजप होती. हे विसरलात का? बुरहान वाणीला मारल्यावर त्याच्या घरी या मेहबुबा मुफ्ती गेल्या होत्या. तेंव्हा ही तुम्ही त्यांच्या सत्तेत सामिल होताच. त्यामुळे काहीही न करता फक्त आरोप करू नका. तर देशद्रोहांच्या विरोधात आम्ही आहोत त्यात दुमत नसल्याचेही उद्धव ठाकरे म्हणाले.