छत्तीसगडमधील (Chhattisgarh) नक्षलग्रस्त भागात तैनात असलेल्या एका CRPF जवानाने सुकमा येथे आपल्याच साथीदारांवर गोळीबार केला, ज्यात चार जवान (4 jawans) शहीद झाले तर तीन जखमी झाले. सुकमा जिल्ह्यातील मारिगुडा पोलीस स्टेशन हद्दीतील लिगम पल्ली सीआरपीएफ 50 बटालियन कॅम्प येथे रात्री एक वाजण्याच्या सुमारास ही घटना घडली.
सीआरपीएफने दिलेल्या माहितीनुसार, मराईगुडा पोलीस स्टेशन परिसरात असलेल्या सीआरपीएफ कॅम्पमध्ये जवानांची हाणामारी झाली, त्यानंतर संतप्त जवानाने गोळीबार सुरू केला, ज्यामुळे 4 जवानांचा जागीच मृत्यू झाला. यासोबतच 3 जवान जखमी झाल्याचे वृत्त आहे, त्यापैकी एका जवानाची प्रकृती चिंताजनक असल्याचे सांगण्यात येत आहे. जखमी जवानांवर सध्या रुग्णालयात उपचार सुरू आहेत.
या घटनेबद्दल शोक व्यक्त करताना सीआरपीएफने एका निवेदनात म्हटले आहे की, “जवान रितेश रंजनने मरीगुडा पोलीस स्टेशन अंतर्गत लिंगापल्ली येथे तैनात असलेल्या त्याच्याच साथीदारांवर अंदाधुंद गोळीबार केला. या घटनेत सात जवान जखमी झाले आहेत. जखमींना तत्काळ भद्राचलम येथील रुग्णालयात दाखल करण्यात आले. जिथे वैद्यकीय अधिकाऱ्यांनी तीन जवानांना मृत घोषित केले. यानंतर आणखी एका जवानाचा मृत्यू झाला. त्याचवेळी तीन जवान जखमी झाले असून त्यांच्यावर उपचार सुरू आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
