नाशिक: महाराष्ट्रातील नाशिक (Nashik) जिल्ह्यात इगतपुरी (Igatpuri) येथील मानस रिसॉर्टच्या एका भागात आज पहाटे पोलिसांनी छापा टाकला. या रिसॉर्टच्या (resort's) स्काय ताज व्हिला (Sky Taj Villa bungalow) नावाच्या बंगल्यात रेव्ह पार्टी (Reve Party) सुरू झाल्याची गुप्त माहिती पोलिसांना मिळाली होती. पोलिसांनी तातडीने कारवाईचा बडगा उगारला. नाशिक ग्रामीणचे पोलिस अधीक्षक सचिन पाटील यांच्या नेतृत्वात पोलिसांचं पथक घटनास्थळी पोहोचलं आणि छापा टाकला. (Big Boss fame Actress Found in Rave Party At Nashik)
बंगल्याच्या आत मोठ्या आजावात म्युझीक सुरू होते. डान्स आणि मजा सुरू होती. रेव्ह पार्टी चालू होती. चित्रपटसृष्टीत काम करणाऱ्या 4 महिलाही या पार्टीत सहभागी झाल्या होत्या. यापैकी एका महिलेने बिग बॉसमध्ये भाग घेतला आहे. एकूण 10 पुरुष आणि 12 महिला या पार्टीत सहभागी झाल्या होत्या. या रेव्ह पार्टीवर झापा टाकून 22 जणांवर पोलिसांनी कारवाई केली आहे.
बॉलिवूड हिरोइन ड्रग्ज घेतांना सापडली
या आधी बॉलिवूड अभिनेत्री ड्रग पार्टी मध्ये मुंबईत पकडली गेली होती. सांताक्रूझ परिसरातील पंचतारांकित हॉटेलमध्ये संबंधित अभिनेत्रीला तिच्या मित्रांसह रंगेहाथ पकडले गेले होते.
नायिका मित्रासह पकडली गेली
पोलिसांना पार्टीमध्ये ड्रग्स वापरल्याची माहिती मिळाली होती. पोलिसांनी छापा टाकला आणि अभिनेत्रीला तिच्या मित्रासह अटक केली. हॉटेलच्या खोलीत ती मित्राबरोबर चरस पित होती. तीचा मित्र आशिक हुसेन यालाही पोलिसांनी अटक केली. यानंतर सांताक्रूझ पोलिसांनी एनडीपीएस कायद्यांतर्गत गुन्हा दाखल केला. दोघांनाही कोर्टात हजर केले असता नंतर जामिनावर त्यांची सुटका करण्यात आली. तिने बॉलिवूडसह तेलुगु चित्रपटांमध्ये काम केले आहे.
बेजबाबदार लोकांना त्यांची काळजी नाही
ड्रग्ज आणि बॉलिवूड कनेक्शन असलेली प्रकरणे सतत समोर येत आहे, आगामी काळात, रेव्ह पार्टी आणि ड्रग्स पार्टीमध्ये सामील असलेल्या लोकांमध्ये बॉलिवूडचे एक ना एक कनेक्शन चव्हाट्यावर आले आहे. आज इगतपुरीच्या रेव्ह पार्टीवरील पोलिसांनी टाकलेल्या छाप्यात पुन्हा बॉलिवूडमध्ये ड्रग्स, दारू आणि पार्टी कल्चर किती खोलवर रूजले आहे हे दिसून आले आहे. आज जेव्हा देशात आणि महाराष्ट्रातही कोरोनाचा प्रसार मोठ्या प्रमाणात होत आहे, तेव्हा शासन प्रशासन याबाबत शक्य ते प्रयत्न करत आहे. वारंवार सामाजिक अंतर राखण्याची आणि मास्क घालण्याची विनंती लोकांना करतांना दिसत आहे. तसेच काही शहरांमध्ये कडक निर्बंधासहीत लॉकडाउनही लावण्यात आले आहे, मात्र पार्टी करणाऱ्या अशा बेजबाबदार लोकांना त्यांची काळजी नाही. असे चित्रच अरेंज होत असलेल्या रेव्ह पार्टीच्या माध्यमातून दिसून येत आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
