Maharashtra: बोरिवलीत 4 मजली इमारत जमिनदोस्त, बचावकार्य सुरु- VIDEO

Borivali Building Collapsed : मुंबई-बोरीवलीत 4 मजली इमारत कोसळल्याची माहिती समोर येत आहे. बोरीवलीतल्या साईबाबा नगरमधील गितांजली येथे ही दुर्घटना घडली आहे. अग्निशमन दल तात्काळ घटनास्थळी रवाना झालं असून बचावकार्य सुरु करण्यात आलं आहे तर काही जण ढिगाऱ्याखाली अडकल्याची भिती व्यक्त केली जात आहे. (4 storey building collapses in Borivali 12 to 15 people are feared to be trapped)

दुपारी 12 वाजून 34 मिनिटांनी इमारत कोसळल्याची माहिती देण्यात आली आहे. अग्निशमन दलाला लेव्हल 2 चा कॉल मिळाला होता तर बोरिवलीतील साईबाबा नगरमधील गितांजली नावाची ही इमारत आहे. तळमजला आणि तीन मजले अशी ही इमारत होती. पोलीस घटनास्थळी दाखल झाले आहेत तर इमारत जखमी झाल्याची अद्याप माहिती मिळू शकलेली नाही.

मिळालेल्या माहितीनुसार, कोसळलेली गितांजली इमारत पालिकेकडून धोकादायक म्हणून घोषित करण्यात आली होती तर पालिकेकडून इमारतीतील सर्वांना बाहेर काढण्यात आलं होतं. त्यापैकी एक पंजाबी कुटुंब इमारत कोसळली तेव्हा इमारतीमध्ये उपस्थित होतं. याच कुटुंबातील 5 ते 6 जण ढिगाऱ्याखाली अडकल्याची भिती व्यक्त करण्यात आली आहे.

इमारत कोसळतानाचा एक व्हिडीओ सोशल मीडियावर आला आहे. पत्त्यासारखी ही इमारत अगदी क्षणार्धात जमिनदोस्त झाली तर सध्या बचावकार्य सुरु असून ढिगाऱ्याखाली एका कुटुंबातील 5 ते 6 जण अडकल्याची माहिती मिळत आहे. अग्निशमन दल तात्काळ घटनास्थळी रवाना झालं असून बचावकार्य सुरु करण्यात आले आहे आणि त्यासोबतच पोलीसही घटनास्थळी दाखल झाले आहेत.