Goa News Live: केरी सत्तरी येसरपंचपदी नंदिता गावस यांची बिनविरोध निवड

केरी सत्तरी येथील पंचायतीचा सरपंचपदी नंदिता गावस यांची बिनविरोध निवड, काही दिवसापूर्वी माजी सरपंच सुप्रिया गावस यांच्यावर पंचायत मंडळाने अविश्वास ठराव दाखल केल्यानंतर सरपंचपण रिक्त होते, त्यानुसार सरपंचपदाची निवडणूक झाली.

तब्बल पाच वर्षांच्या खंडानंतर कदंब वाहतूक महामंडळाने पणजी ते विजयदुर्ग अशी दैनंदिन बससेवा पुन्हा सुरू केली आहे. या मार्गावरून प्रवास करणाऱ्या नागरिकांना यामुळे मोठा दिलासा मिळणार आहे.

राज्यात मागील काही दिवसांपासून पावसाची तीव्रता मंदावली आहे. मागील २४ तासांत राज्यात सरासरी १५.७ मिमी पावसाची नोंद करण्यात आली. पुढील पाच दिवस राज्यात तुरळक पाऊस पडण्याची शक्यता गोवा वेधशाळेने वर्तविली आहे. सर्वसामान्यपणे जून ते सप्टेंबर हा मान्सून कालावधी मानला जातो. तो संपुष्टात आल्यानंतर आता पावसाचा परतीचा प्रवास सुरू झाला आहे. त्यामुळे आता पावसाची तीव्रता मंदावली आहे.

गोवा सरकारने गोवा दुकाने व आस्थापना (रोजगाराचे नियमन व सेवा अटी) अधिनियम, २०२५ (गोवा अधिनियम क्र. २३, २०२५) लागू केला आहे. यामुळे राज्यातील हॉटेल्स, रेस्टॉरंट्स, नाट्यगृहे, दुकाने व विविध व्यावसायिक आस्थापनांवर लागू असलेला १९७३ चा कायदा रद्द झाला आहे.

ओपा जलशुद्धीकरण प्रकल्पातील पाण्याची वाहिनी जोडणीवर तुटल्याने पणजी भागात पाणी पुरवठा मर्यादित. दुरुस्तीचे काम संध्याकाळ पर्यंत होण्याची शक्यता. सर्व अभियंते घटनास्थळी.