WPL Auction 2023: तब्बल 7 जणींना 2 कोटींहून अधिक रकमेची बोली, पाहा सर्वात महागडे 10 खेळाडू

पहिल्या वूमन्स प्रीमियर लीगच्या लिलावात सर्वात महागड्या ठरलेल्या 10 खेळाडूंबद्दल जाणून घ्या
WPL 2023 | WPL Auction
WPL 2023 | WPL AuctionDainik Gomantak

WPL Auction 2023: महिला आयपीएल म्हणजे वूमन्स प्रीमियर लीगला यावर्षापासून सुरुवात होत आहे. पहिल्याच डब्ल्यूपीएल हंगामाची तयारी जोरदार सुरू असून 13 फेब्रुवारीला मुंबईत लिलावही पार पडला. या लिलावात अनेक भारतीय आणि परदेशी खेळाडूंना कोट्यवधी रुपयांची बोली लागली.

या लिलावात मुंबई इंडियन्स, रॉयल चॅलेंजर्स बेंगलोर, दिल्ली कॅपिटल्स, गुजरात जायंट्स, युपी वॉरियर्स हे पाचही फ्रँचायझी चांगलेच व्यस्त दिसले. त्यांचा आपापले संघ सर्वोत्तम तयार करण्यावर भर होता. त्यामुळे अनेकदा हे संघ मोठ्या रकमेची बोली लावतानाही दिसले.

या लिलावासाठी 448 खेळाडूंचा समावेश होता. यातील एकूण 87 खेळाडूंवर पाच फ्रँचायझींनी मिळून बोली लावली आहे. या 87 खेळाडूंमध्ये 30 परदेशी खेळाडूंचाही समावेश आहे. या एकूण 87 खेळाडूंना खरेदी करण्यासाठी पाच फ्रँचायझींनी मिळून 59 कोटी 50 लाख रुपये खर्च केले.

WPL 2023 | WPL Auction
WPL Auction 2023: कोट्यवधींच्या खर्चानंतर कसे आहेत पाचही संघ? एका क्लिकवर वाचा संपूर्ण लिस्ट

डब्ल्यूपीएलच्या पहिल्या लिलावासाठी प्रत्येक फ्रँचायझीला 12 कोटींपर्यंत खर्च करता येणार होता. तसेच प्रत्येक फ्रँचायझीला कमीत कमी 15 ते जास्तीत जास्त 18 खेळाडू संघात सामील करायचे होते. त्यानुसार समीकरण जुळवून प्रत्येक फ्रँचायझीने आपला संघ तयार केला आहे. या दरम्यान पाचही फ्रँचायझींनी काही स्टार खेळाडूंवर कोट्यवधी रुपये देखील खर्च केले आहेत.

या लिलावात एकूण 3 खेळाडूंना 3 कोटींच्या वर बोली लागली आहे. यात सर्वाधिक बोली भारताची स्टार फलंदाज स्मृती मानधनाला लागली असून तिला रॉयल चॅलेंजर्स बेंगलोर संघाने 3.40 कोटी रुपयांना खरेदी केले आहे.

तसेच ऍश्ले गार्डनरसाठी गुजरात जायंट्सने आणि नतालिया स्किव्हरसाठी मुंबई इंडियन्सने प्रत्येकी 3.20 कोटींची बोली लावली. त्यामुळे या तिघी डब्ल्यूपीएलमधील सर्वात महागड्या खेळाडू ठरल्या. या लिलावात एकूण 7 खेळाडूंना 2 कोटींहून अधिकची बोली लागली.

WPL 2023 | WPL Auction
WPL Auction 2023: जल्लोष तर होणारच! कोट्यवधींची बोली लागल्यानंतर मानधना, हरमनप्रीतचा टीम इंडियासह 'कल्ला'

पहिल्या डब्ल्यूपीएलसाठी संघ तयार करताना मुंबई इंडियन्स आणि युपी वॉरियर्स या संघाने सर्व 12 कोटी रुपये खर्च केले. तसेच रॉयल चॅलेंजर्स बेंगलोरकडून 12 कोटींमधील 10 लाख रुपये, गुजरात जायंट्सकडे 5 लाख रुपये आणि दिल्ली कॅपिटल्सकडे 35 लाख रुपये शिल्लक राहिले.

डब्ल्यूपीएल 2023 लिलावातील सर्वात महागडे 10 खेळाडू

1. स्मृती मानधना (3.40 कोटी) - रॉयल चॅलेंजर्स बेंगलोर

2. ऍश्ले गार्डनर (3.20 कोटी) - गुजरात जायंट्स

3. नतालिया स्किव्हर (3.20 कोटी) - मुंबई इंडियन्स

4. दीप्ती शर्मा (2.60 कोटी) - युपी वॉरियर्स

5. जेमिमाह रोड्रिग्ज (2.20 कोटी) - दिल्ली कॅपिटल्स

6. बेथ मुनी (2 कोटी) - गुजरात जायंट्स

7.शफाली वर्मा (2 कोटी) - दिल्ली कॅपिटल्स

8. पुजा वस्त्राकर (1.90 कोटी) - मुंबई इंडियन्स

9. ऋचा घोष (1.90 कोटी) - रॉयल चॅलेंजर्स बेंगलोर

10. सोफी एक्लेस्टोन (1.80 कोटी) - युपी वॉरियर्स

11. हरमनप्रीत कौर (1.80 कोटी) - मुंबई इंडियन्स

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com