WPL 2024 स्पर्धेचे वेळापत्रक जाहीर! जाणून घ्या कधी आणि कुठे होणार सामने

Women's Premier League 2024 Schedule:

वूमन प्रीमियर लीग स्पर्धेचा (WPL) दुसरा हंगाम यावर्षी खेळवला जाणार आहे. या हंगामाचे वेळापत्रक समोर आले आहे. डब्ल्यूपीएल 2024 स्पर्धेला 23 फेब्रुवारीपासून सुरुवात होणार आहे. तसेच या स्पर्धेचा अंतिम सामना 17 मार्चला खेळवला जाणार आहे.

पहिल्या हंगामाप्रमाणेच दुसऱ्या हंगामातही 22 सामने खेळवले जाणार आहे. तसेच यंदा दिल्ली आणि बंगळुरू या दोन शहरात डब्ल्यूपीएलचे सामने खेळवले जाणार आहेत. दिल्लीतील अरुण जेटली स्टेडियमवर, तर बंगळुरूतील एम चिन्नास्वामी स्टेडियमवर हे सामने खेळवले जाणार आहेत. हे सर्व सामने भारतीय प्रमाणवेळेनुसार संध्याकाळी 7.30 वाजता चालू होतील.

तसेच गेल्यावर्षीप्रमाणेच याहीवर्षी स्पर्धेचे सारखेच स्वरुप असणार आहे. पाच संघांमधील पहिले तीन संघ प्लेऑफमध्ये प्रवेश करतील. तसेच गुणतालिकेत पहिल्या क्रमांकावर राहिलेला संघ थेट अंतिम सामना खेळले, तर दुसऱ्या आणि तिसऱ्या क्रमांकावरील संघात एलिमिनेटर सामना होईल. एलिमिनेटरमध्ये विजय मिळवणारा संघ अंतिम सामना खेळेल.

डब्लुपीएल 2024 मधील पहिला सामना 23 फेब्रुवारीला गतविजेत्या मुंबई इंडियन्स विरुद्ध दिल्ली कॅपिटल्स संघात बंगळुरूला खेळवला जाणार आहे. एलिमिनेटर 15 मार्च रोजी होईल, तर अंतिम सामना 17 मार्चला होईल. एलिमिनेटर आणि अंतिम सामना दिल्लीमध्ये होणार आहे.

असे आहेत डब्ल्युपीएल 2024 स्पर्धेचे वेळापत्रक

• 23 फेब्रुवारी - मुंबई इंडियन्स विरुद्ध दिल्ली कॅपिटल्स, बंगळुरू

• 24 फेब्रुवारी - रॉयल चॅलेंजर्स बेंगलोर विरुद्ध युपी वॉरियर्स, बंगळुरू

• 25 फेब्रुवारी - गुजरात जायंट्स विरुद्ध मुंबई इंडियन्स, बंगळुरू

• 26 फेब्रुवारी - युपी वॉरियर्स विरुद्ध दिल्ली कॅपिटल्स, बंगळुरू

• 27 फेब्रुवारी - रॉयल चॅलेंजर्स बेंगलोर विरुद्ध गुजरात जायंट्स, बंगळुरू

• 28 फेब्रुवारी - मुंबई इंडियन्स विरुद्ध युपी वॉरियर्स, बंगळुरू

• 29 फेब्रुवारी - रॉयल चॅलेंजर्स बेंगलोर विरुद्ध दिल्ली कॅपिटल्स, बंगळुरू

• 1 मार्च - युपी वॉरियर्स विरुद्ध गुजरात जायंट्स, बंगळुरू

• 2 मार्च - रॉयल चॅलेंजर्स बेंगलोर विरुद्ध मुंबई इंडियन्स, बंगळुरू

• 3 मार्च - गुजरात जायंट्स विरुद्ध दिल्ली कॅपिटल्स, बंगळुरू

• 4 मार्च - युपी वॉरियर्स विरुद्ध रॉयल चॅलेंजर्स बेंगलोर, बंगळुरू

• 5 मार्च - दिल्ली कॅपिटल्स विरुद्ध मुंबई इंडियन्स, दिल्ली

• 6 मार्च - गुजरात दायंट्स विरुद्ध रॉयल चॅलेंजर्स बेंगलोर, दिल्ली

• 7 मार्च - युपी वॉरियर्स विरुद्ध मुंबई इंडियन्स, दिल्ली

• 8 मार्च - दिल्ली कॅपिटल्स विरुद्ध युपी वॉरियर्स, दिल्ली

• 9 मार्च - मुंबई इंडियन्स विरुद्ध गुजरात जायंट्स, दिल्ली

• 10 मार्च - दिल्ली कॅपिटल्स विरुद्ध रॉयल चॅलेंजर्स बेंगलोर, दिल्ली

• 11 मार्च - गुजरात जायंट्स विरुद्ध युपी वॉरियर्स, दिल्ली

• 12 मार्च - मुंबई इंडियन्स विरुद्ध रॉयल चॅलेंजर्स बेंगलोर, दिल्ली

• 13 मार्च - दिल्ली कॅपिटल्स विरुद्ध गुजरात जायंट्स, दिल्ली

• 15 मार्च - एलिमिनेटर, दिल्ली

• 17 मार्च - अंतिम सामना, दिल्ली