BCCI Clarify why Ruturaj Gaikwad not available for South Africa vs India 3rd ODI:
दक्षिण आफ्रिका विरुद्ध भारत संघात गुरुवारी (21 डिसेंबर) वनडे मालिकेतील तिसरा आणि अखेरचा सामना खेळला जात आहे. पार्लला होत असलेल्या या सामन्यात दक्षिण आफ्रिकेने नाणेफेक जिंकली असून प्रथम गोलंदाजी करण्याचा निर्णय घेतला आहे. दरम्यान, या सामन्याला भारताचा सलामीवीर फलंदाज ऋतुराज गायकवाड मुकला आहे.
ऋतुराज गायकवाड तिसऱ्या वनडेत न खेळण्याचे कारण बीसीसीआयने स्पष्ट केले आहे. बीसीसीआयने दिलेल्या माहितीनुसार ऋतुराजच्या बोटाला दुखापत झाली आहे.
बीसीसीआयने याबद्दल पोस्ट केली आहे की 'ऋतुराज गायकवाड दुसऱ्या वनडे सामन्यादरम्यान क्षेत्ररक्षणावेळी अनामिकेला (करंगळी शेजारील बोटाला) झालेल्या बोटाच्या दुखापतीतून पूर्ण बरा झालेला नाही. त्याच्यावर सध्या बीसीसीआयचे वैद्यकीय पथक लक्ष ठेवून आहे.'
लक्षात घेण्यासारखी गोष्ट अशी की ऋतुराज या वनडे मालिकेनंतर दक्षिण आफ्रिकेविरुद्धच होणाऱ्या कसोटी मालिकेसाठीही भारतीय संघाचा भाग आहे. त्यामुळे जर तो बोटाच्या दुखापतीतून पूर्ण सावरला नाही, तर त्याचे या कसोटी मालिकेत खेळण्यावरही प्रश्नचिन्ह निर्माण होऊ शकते.
दरम्यान, दक्षिण आफ्रिकेविरुद्ध होणाऱ्या तिसऱ्या वनडे सामन्यात ऋतुराजच्या जागेवर रजत पाटीदारला भारताच्या प्लेइंग इलेव्हनमध्ये संधी देण्यात आली आहे. त्यामुळे पाटीदारचे या सामन्यातून वनडे क्रिकेटमध्ये पदार्पण झाले आहे. तो भारताकडून वनडेत पदार्पण करणारा 255 वा खेळाडू आहे.
मात्र, रजतला पदार्पणात मोठी खेळी करण्यात मात्र अपयश आले. त्याला साई सुदर्शनबरोबर सलामीला फलंदाजीची संधी मिळाली होती. मात्र तो 22 धावांवर बाद झाला.
या सामन्यासाठी कुलदीप यादवलाही विश्रांती देण्यात आली असून वॉशिंग्टन सुंदरला त्याच्या जागेवर प्लेइंग इलेव्हनमध्ये संधी देण्यात आली आहे.
संजू सॅमसन, साई सुदर्शन, रजत पाटीदार, तिलक वर्मा, केएल राहुल (यष्टीरक्षक/कर्णधार), रिंकू सिंग, वॉशिंग्टन सुंदर, अक्षर पटेल, अर्शदीप सिंग, अवेश खान, मुकेश कुमार.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
