Virat Kohli: विराट कोहलीने आपल्या कारकिर्दीत अनेक विक्रम केले असले तरी सचिन तेंडुलकर आणि त्याच्या विक्रमांची तुलना अनेकदा झाली आहे. विराट यावर कधीच उघडपणे बोलला नसला तरी आता त्याने या चर्चेवर मौन सोडले आहे.
भारताचा माजी कर्णधार विराट कोहली म्हणाला की, सचिन तेंडुलकरचा 49 वनडे शतकांचा विक्रम मोडणे हा त्याच्यासाठी 'भावनिक क्षण' असेल.
'लिटिल मास्टर' सचिन तेंडुलकरने (Sachin Tendulkar) एकदिवसीय सामन्यांच्या 452 डावांमध्ये 49 शतके झळकावली आहेत.
कोहलीच्या नावावर यापूर्वी 265 डावांमध्ये 46 वनडे शतके आहेत. तो इतिहास रचण्यापासून 4 शतके दूर आहे.
सध्याच्या काळातील सर्वोत्कृष्ट फलंदाजांपैकी एक असलेल्या कोहलीला जेव्हा विचारले गेले की, तो टप्पा गाठल्यानंतर कसे वाटेल, यावर विराट म्हणाला की, "हा माझ्यासाठी खूप भावनिक क्षण असेल."
कोहलीने आपल्या 15 वर्षांच्या कारकिर्दीत आंतरराष्ट्रीय क्रिकेटमध्ये 75 शतके झळकावली आहेत. ज्यामध्ये 46 वनडे, 28 कसोटी आणि एक टी-20 शतकांचा समावेश आहे.
विराट सध्या आयपीएल (IPL) 2023 16 व्या हंगामात रॉयल चॅलेंजर्स बंगळुरु (RCB) कडून खेळत आहे, जिथे त्याने 6 अर्धशतकांच्या मदतीने 11 डावांमध्ये 420 धावा (पाचव्या क्रमांकावर) केल्या आहेत. 242 डावात 12,000 वनडे धावा करणारा तो सर्वात वेगवान खेळाडू आहे. या प्रकरणात त्याने सचिन तेंडुलकरचा विक्रम मोडला आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.