नवी दिल्ली: टोकियो ऑलिंपिकला (Tokyo Olympics) जाणाऱ्या खेळाडूंशी (Players) पंतप्रधान नरेंद्र मोदी (Prime Minister Narendra Modi) यांनी आज संवाद साधला. टोकियो ऑलिंपिकमध्ये भारताचे एकूण 126 खेळाडू सहभागी होणार आहेत. या संवादातून पंतप्रधानांनी काही खेळाडूंशी चर्चा करत त्यांचे मनोबल वाढविले आणि सर्वांना ऑलिंपिकसाठी शुभेच्छा दिल्या. यात महाराष्ट्राचा तिरंदाजीतील खेळाडू प्रविण जाधव या मराठमोळ्या खेळाडूंच्या कुटुंबियांशी पंतप्रधानांनी मराठीतून संवाद साधला. तुमची तब्बेत कशी आहे असे पंतप्रधानांनी जाधव कुटुंबियांना विचारले. बॉक्सर अशिश कुमार याने काहिदिवसांपूर्वीच कोरोनामुळे आपल्या वडिलांना गमाविले आहे. त्या दुख:तून बाहेर येत त्याने ऑलिंपिकसाठी मेहनत केली आहे. त्याचे देखील कौतुक करत पंतप्रधान मोदींनी त्याचा आत्मविश्वास वाढविला.
23 जुलै ते 8 ऑगस्ट दरम्यान टोकियो ऑलिंपिकचे आयोजन करण्यात येणार आहे. भारतातून 18 खेळात एकूण 126 खेळाडू ऑलिंपिकसाठी जाणार आहेत. भारत आतापर्यंतच्या ऑलिंपिकमधील सर्वात मोठा संघ टोकियो ऑलिंपिकसाठी पाठवित आहे. ऑलिंपिकसाठी पात्र ठरलेल्या अनेक खेळाडूंकडे चाहत्यांच्या नजरा आहेत. यात भारताकडून पहिल्यांदाच ऑलिंपिकमध्ये सहभागी होणाऱ्या रेसलर भवानी देवी, नेथरा कुमानन नौकायान, साजन प्रकाश आणि श्रीहरी नटराज या खेळाडूंच्या कामगिरीवर विशेष लक्ष्य असणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
