नवी दिल्ली: टोकियो ऑलिंपिक (Tokyo Olympics) सुरु होण्यास आता काही दिवस बाकी आहेत. या स्पर्धेवर कोरोनाचे (Covid 19) सावट आगदी पहिल्यापासून ते आतापर्यंत घोंगावत आहे. जपानमध्ये होणाऱ्या या स्पर्धेच्या काही दिवस आधी जपान सरकारने तेथे आणिबाणी देखील जाहीर केली आहे. अशातच आता भारतीय खेळाडू या ऑलिंपिकसाठी जोरदार तयारी करीत आहेत. यात दिल्ली सरकारकडून (Government of Delhi) खेळाडूंना प्रोत्साहन देणारी आणखीन एक बातमी समोर आली आहे. टोकियो ऑलिंपिकमधील सुवर्ण पदक विजेत्यांना (Gold medal winners) दिल्ली सरकारकडून 3 कोटी रुपयांचे बक्षीस (Reward) जाहिर करण्यात आले आहे.
देशाचे पंतप्रधान देखील ऑलिंपिकसाठी जपानला जाणाऱ्या खेळाडूंशी 13 जुलैला संवाद साधणार आहेत. त्या आधी अनेक राज्य सरकारकडून आपल्या खेळाडूंसाठी बक्षिसाची घोषणा करत आहेत. अशातच दिल्ली सरकारचे मंत्री मनीष सिसोदिया यांनी विजेत्या खेळाडूंसाठी मोठी घोषणा केली आहे.
दिल्लीच्या सुवर्ण पदक विजेत्या खेळाडूला सरकारकडून 3 कोटी, रौप्य पदक विजेत्याला 2 कोटी, आणि कांस्य पदक विजेत्याला 1 कोटी देण्याची घोषणा दिल्ली सरकारकडून करण्यात आली आहे. तर जिंकणाऱ्या खेळाडूंच्या प्रशिक्षकांना 10 लाखांचा पुरस्कार देण्यात येणार आहे. असे सिसोदिया यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
