KKR vs PBKS Playing XI: IPL2022 च्या 15 व्या सिझनमध्ये पंजाब किंग्ज आणि कोलकाता नाईट रायडर्स आमनेसामने येणार असून हा जिंकण्यासाठी दोन्ही संघ जिवाचे राण करणार आहेत. हा सामना आज होणार असून याआधी पंजाब संघासह पंजाबच्या चाहत्यांसाठी एक आनंदाची बातमी आली आहे. संघासाठी महत्वाचा आणि अनुभवी वेगवान गोलंदाज कगिसो रबाडा खेळण्यासाठी उपलब्ध झाला आहे. रबाडाला फ्रँचायझीने 9 कोटी रुपयांना खरेदी केले. भारतीय वेगवान गोलंदाज संदीप शर्माच्या जागी रबाडाचा संघात समावेश केला जाऊ शकतो. (The IPL 2022 match between Kolkata Knight Riders and Punjab Kings)
आयपीएलच्या (IPL)15 व्या मोसमातील आठव्या सामन्यात पंजाब किंग्ज आणि कोलकाता नाईट रायडर्स हे संघ आमनेसामने येणार आहेत. पंजाबचा हा हंगामातील दुसरा सामना असेल. त्याने पहिल्या सामन्यात रॉयल चॅलेंजर्स बंगळुरूचा पराभव केला. त्याचवेळी कोलकाताने पहिल्या सामन्यात चेन्नईचा पराभव केला तर दुसऱ्या सामन्यात रॉयल चॅलेंजर्स बंगळुरूविरुद्ध पराभव पत्करावा लागला. दोन्ही संघ आता काही बदलांसह प्लेइंग-11 मध्ये उतरू शकतात.
पंजाबसाठी (punjab kings) एकीकडे आनंदाची बातमी असताना मात्र दुसरीकडे पंजाब संघाला अजूनही जॉनी बेअरस्टोची सेवा मिळणार नाही. तो तीन दिवस क्वारंटाईनमध्ये आहेत. त्याच्या अनुपस्थितीत भानुका राजपक्षेला दुसऱ्या सामन्यात खेळण्याची संधी मिळणार आहे. राजपक्षेने आरसीबीविरुद्ध 22 चेंडूत 43 धावा केल्या.
पंजाबच्या इतर फलंदाजांनीही उपयुक्त खेळी खेळल्या. मयांक अग्रवाल व्यतिरिक्त शिखर धवन, लियाम लिव्हिंगस्टन, ओडियन स्मिथ आणि शाहरुख खान यांनी पहिल्या सामन्यात धावा केल्या. गोलंदाजीत अर्शदीप सिंग आणि राहुल चहर यांनाच पहिल्या सामन्यात छाप पाडता आली. रबाडाच्या आगमनाने संघाची गोलंदाजी मजबूत होईल आणि युवा गोलंदाजांनाही मदत होईल.
कोलकाता नाईट रायडर्सबद्दल बोलायचे तर आंद्रे रसेलला आरसीबीविरुद्धच्या (RCB)शेवटच्या सामन्यात दुखापत झाली होती. जर तो पूर्णपणे तंदुरुस्त नसेल तर त्याच्या जागी मोहम्मद नबीला खेळवले जाऊ शकते. रसेलच्या दुखापतीमुळे संघ स्पर्धेच्या सुरुवातीला कोणतीही संधी घेऊ इच्छित नाही. अजिंक्य रहाणे आणि व्यंकटेश अय्यर यांना गेल्या सामन्यात फारशी कामगिरी करता आली नाही. असे असूनही संघ त्याला कायम ठेवेल.
कर्णधार श्रेयस अय्यर पुन्हा एकदा तिसऱ्या क्रमांकावर खेळताना दिसणार आहे. नितीश राणा यांच्याकडून संघाला मोठ्या खेळीची अपेक्षा असेल. दोन्ही सामन्यात चांगली सुरुवात केल्यानंतर त्यांनी विकेट गमावल्या. कोलकाताच्या (Kolkata Knight Riders) संघात रसेलशिवाय कोणताही बदल झालेला नाही. जर रसेल खेळला तर संघ कोणताही बदल न करता बाहेर जाऊ शकतो.
पंजाब किंग्ज संभाव्य खेळडू
मयंक अग्रवाल (Captain), शिखर धवन, भानुका राजपक्षे (विकेटकीपर), लियाम लिव्हिंगस्टन, शाहरुख खान, ओडियन स्मिथ, राज बावा, हरप्रीत ब्रार, कागिसो रबाडा, राहुल चहर, अर्शदीप सिंग.
कोलकाता नाईट रायडर्ससाठी संभाव्य खेळडू
अजिंक्य रहाणे, व्यंकटेश अय्यर, श्रेयस अय्यर (Captain), नितीश राणा, सॅम बिलिंग्ज, शेल्डन जॅक्सन (विकेटकीपर), आद्रे रसेल/मोहम्मद नबी, सुनील नरेन, टीम साऊदी, उमेश यादव, वरुण चक्रवर्ती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
