पणजी : गतउपविजेता तेजस शेवडे, तसेच राहुल सिंग, सूरज बिक्कान्नावर यांनी गद्रे गास्पार डायस खुल्या टेनिस स्पर्धेत आगेकूच राखताना पुरुष एकेरीत उपांत्यपूर्व फेरी गाठली. ही स्पर्धा मिरामार येथील क्लब टेनिस द गास्पार डायस व कांपाल येथील पणजी जिमखान्याच्या टेनिस कोर्टवर (Panaji Gymkhana Tennis Court) सुरूआहे. (Gadre Gaspar Dias of Tejas, Rahul and Suraj advance in open tennis tournament)
चार वेळा ही स्पर्धा जिंकलेल्या तेजसने उपउपांत्यपूर्व लढतीत गोव्याच्याच राजाराम कुंडईकर याच्यावर 6-0 असा सोपा विजय प्राप्त केला. शेवटच्या आठ खेळाडूंच्या फेरीत स्थान मिळविताना राहुलने मानो छाब्रा याच्यावर 6-1 असा, तर सूरजने अंकित बथेजा याच्यावर 6-3 असा विजय नोंदविला.
महिला (Women) एकेरीत निशिका गोम्स हिने तनिष्का देशपांडे हिचा प्रतिकार मोडून काढताना 6-3 फरकाने विजयाची नोंद केली. निकोल दा सिल्वा हिने रुकून कौल हिला 6-0 असे सहजपणे नमविले.
पुरुष (Men) दुहेरीत राजाराम कुंडईकर व संतोष गोरावर जोडीने उपांत्यपूर्व फेरी गाठताना एम. आदर्श व जयविन रणजित जोडीवर 6-4 फरकाने मात केली. मिश्र दुहेरीची उपांत्यपूर्व फेरी गाठताना अमन बुंदेला व विनोना गुदिन्हो जोडीने वेर्नेर फर्नांडिस व निकोल दा सिल्वा यांच्यावर 6-0 असा विजय नोंदविला. शिवम बापट व कामाक्षी शानभाग जोडीने चुरशीच्या लढतीत काफिल कडवेकर व रितिका धवलकर जोडीचा प्रतिकार टायब्रेकरमध्ये 7-6 (5) असा मोडून काढला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
