भारतीय क्रिकेट संघांचा (Indian Cricket Team) 2021 प्रमाणेच 2022 मध्ये इंग्लंड दौरा निश्चित करण्यात आला आहे. भारतीय पुरुष संघाचा इंग्लंड दौरा आधीच जाहीर झाला आहे. आता महिला संघाच्या दौऱ्याचीही माहिती समोर आली आहे. सप्टेंबर 2022 मध्ये भारतीय महिला क्रिकेट संघ तीन एकदिवसीय आणि तितक्याच T20 आंतरराष्ट्रीय सामन्यांच्या मालिकेसाठी इंग्लंडला जाईल. इंग्लंड आणि वेल्स क्रिकेट बोर्डाने (ECB) मंगळवारी ही घोषणा केली. (The Indian Womens Team Will Once Again Tour England)
भारत आणि इंग्लंड यांच्यात 10 सप्टेंबरपासून तीन टी-20 सामने खेळवण्यात येणार आहेत. टी-20 मालिकेनंतर (T-20 Series) वनडे मालिका 18 सप्टेंबरपासून सुरु होणार आहे. अंतिम वनडे ऐतिहासिक लॉर्ड्स मैदानावर होणार आहे.
दरम्यान, भारतीय संघाचा सुमारे 14 महिन्यांतच दुसरा इंग्लंड (England) दौरा आहे. यापूर्वी जून-जुलै 2021 मध्ये भारतीय संघाने इंग्लंडचा दौरा केला होता. त्यानंतर टीम इंडियाने (Team India) एक कसोटी, 3 वनडे आणि 3 टी-20 सामन्यांची मालिका खेळली होती. त्यामध्ये कसोटी सामना अनिर्णित राहिला, तर एकदिवसीय आणि टी-20 मालिकेवर इंग्लंडने विजय संपादन केला होता.
मालिकेचे वेळापत्रक खालीलप्रमाणे: 1ली T20I: 10 सप्टेंबर (डरहम); 2रा T20: 13 सप्टेंबर (डर्बी); तिसरा T20: 15 सप्टेंबर (ब्रिस्टल). पहिली वनडे: 18 सप्टेंबर (होव्ह); दुसरी वनडे: 21 सप्टेंबर (कँटरबरी); तिसरी वनडे: 24 सप्टेंबर (लॉर्ड्स, लंडन)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
