आगामी T20 विश्वचषक (T20 World Cup) काही दिवसांवर येऊन ठेपला आहे. जवळपास सर्वच देशातील संघाची घोषणा झाली असून, भारतीय संघ देखील या स्पर्धेसाठी सज्ज झाला आहे. नुकतीच कर्णधार रोहित शर्माच्या (Rohit Sharma) नेतृत्वाखाली विश्वचषकासाठी भारताच्या 15 सदस्यीय संघाची घोषणा करण्यात आली. तसेच, विश्वचषकासाठी नव्या जर्सीचे देखील आज अनावरण करण्यात आले.
मागच्या विश्वचषकात देखील भारतीय संघ वेगळ्या जर्सीत मैदानावर उतरला होता. तसेच आता या वर्ल्ड कपसाठी पुन्हा एकदा भारतीय संघ नवीन जर्सी परिधान करणार आहे. भारतीय संघाच्या अधिकृत जर्सीचा एक प्रोमो प्रायोजकांनी पोस्ट केला. त्यानंतर आज संघाच्या नव्या जर्सीचे अनावरण करण्यात आले. बीसीसीआयने पोस्ट केलेल्या नव्या जर्सीत कर्णधार रोहित शर्मा, हार्दिक पांड्या, सूर्यकुमार यादव, जिमी रॉड्रिग्ज, रेणुका सिंग आणि शेफाली वर्मा दिसत आहेत.
आशिया चषकात भारतीय संघाने निराशाजनक कामगिरी केली. त्यानंतर विश्वचषकासाठी संघ पूर्णतयारीनिशी उतरेल अशी आशा चाहत्यांना आहे. दुखापतग्रस्त रवींद्र जाडेजा विश्वचषकाला मुकला आहे. तर, जसप्रीत बुमराह व हर्षल पटेल हे दुखापतीतून सावरून संघात परतले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.