गोवा क्रिकेट असोसिएशनच्या (जीसीए) दक्षिण विभागीय ब गट क्रिकेट स्पर्धेत तरवळे क्रिकेट क्लबने स्पोर्टसवीर क्रिकेट क्लबला 62 धावांनी हरवून उपांत्य फेरीत प्रवेश केला. सामना बुधवारी सांगे येथील जीसीए (Goa Crickwt Association) मैदानावर झाला.
तरवळे क्लबच्या सूरज तारी याने शानदार शतक केले. त्याने 65 चेंडूंत सात चौकार व एका षटकाराच्या मदतीने 102 धावा केल्या. त्यामुळे प्रथम फलंदाजी करताना तरवळे क्लबला 281 धावा करता आल्या. स्पोर्टसवीकच्या रवींद्र जाधव याने पाच फलंदाजांना बाद केले. स्पोर्टसवीकचा डाव 219 धावांत आटोपला. त्यांच्या अभिजित पवार (66) व वासुदेव कुंडईकर (61) यांनी अर्धशतके केली.
संक्षिप्त धावफलक ः तरवळे क्रिकेट क्लब ः 44.1 षटकांत सर्वबाद 281 (कौशिक चिखलीकर 43, रघुवीर 44, प्रज्वल घोडके 42, सूरज तारी 102, अभिषेक कोठंबीकर 12, सिद्धेश वेर्णेकर 11, रवींद्र जाधव 5:54, सोहम माळी 2:70, यश मांजरेकर 1:27) वि. वि. स्पोर्टसवीक क्रिकेट क्लब ः 40:2 षटकांत सर्वबाद 219 (वासुदेव कुंडईकर 61 अभिजित पवार 66, रवींद्र जाधव 40, सोहम माळी 18, अमोघ प्रभुदेसाई 1:35, कौशिक चिखलीकर 2:39, ओमकार मोहिते 4:36, सिद्धेश वेर्णेकर 1:24, रघुवीर 2:18).
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
