T20 विश्वचषक 2022 हा आतापर्यंतचा पाकिस्तानसाठी खूप वाईट ठरला आहे. संघासोबतच या विश्वचषकात दोन्ही सलामीवीरांनाही विशेष काही करता आलेले नाही. संघाचा कर्णधार बाबर आझमने या T20 विश्वचषकात आतापर्यंत 4 डावात केवळ 14 धावा केल्या आहेत.
T20 विश्वचषकात पाकिस्तानचा दक्षिण आफ्रिकेविरुद्ध सामना झाला. त्या सामन्यात फखर जमानऐवजी मोहम्मद हरिसचा संघात समावेश करण्यात आला होता. हारिसने पहिल्याच सामन्यात आपल्या वेगवान फलंदाजीने सर्वांना प्रभावित केले. यावर वीरेंद्र सेहवागने आपली प्रतिक्रिया दिली. (T20 World Cup 2022 )
बाबर-रिजवानला दिला इशारा
आफ्रिकेविरुद्ध खेळल्या गेलेल्या सामन्यात मोहम्मद हारिसने 11 चेंडूत 28 धावा केल्या. त्याच्या खेळीत 2 चौकार आणि 3 षटकारांचा समावेश होता. हारिसची झटपट फलंदाजी पाहून वीरेंद्र सेहवागने बाबर-रिझवानला इशारा देताना सांगितले की, "जर हारिसने आफ्रिकेविरुद्ध गेल्या सामन्यात जसा खेळ केला तसाच खेळ सुरू ठेवला, तर तो मोहम्मद रिझवान आणि बाबर आझम यांना क्रमवारीत उतरण्यास भाग पाडू शकतो."
पाकिस्तानची शानदार फलंदाजी
आफ्रिकेविरुद्धच्या सामन्यात पाकिस्तानकडून उत्कृष्ट फलंदाजी पाहायला मिळाली. सलामीचे फलंदाज लवकर बाद झाल्यानंतर पाकिस्तानने 20 षटकांत 9 गडी गमावून 185 धावा केल्या होत्या. या डावात अष्टपैलू शादाब खानने 22 चेंडूत 52 धावांची शानदार खेळी केली. त्याच्या खेळीत 3 चौकार आणि 4 षटकारांचा समावेश होता. याशिवाय इफ्तिखार अहमदने 35 चेंडूंत 3 चौकार आणि 2 षटकारांच्या मदतीने 51 धावांची खेळी केली.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
