पेट्रोलियम क्रीडा मंडळाच्या स्पर्धेत सौरव कोठारीला 'बिलियर्डस' विजेतेपद

Goa Sports Update: पेट्रोलियम क्रीडा मंडळाच्या बिलियर्डस स्पर्धेत व्यावसायिक खेळाडूंच्या वैयक्तिक गटात यजमान ‘ओएनजीसी’च्या सौरव कोठारीने विजेतेपद मिळविले. अंतिम लढतीत त्याने ‘बीपीसीएल’च्या मनन चंद्रा याच्यावर 3 -1 फरकाने विजय नोंदविला. (Sourav Kothari wins billiards at Petroleum Sports Board)

मिरामार (Miramar) येथील क्लब टेनिस द गास्पार डायस येथे शनिवारी झालेल्या अंतिम लढतीत कोठारीने पहिल्या गेममध्येगुणांचा ब्रेक नोंदविला. नंतर दुसरा गेम त्याने 00-30 फरकाने जिंकला. मननने तिसरा गेम 100-56 असा जिंकत चुरस निर्माण केली. चौथ्या गेममध्ये सौरवने 50 व 48 गुणांचा ब्रेक नोंदवत विजेतेपद प्राप्त केले. ब्राँझपदकाच्या लढतीत ‘ओएनजीसी’च्या ध्रुव सितवाला याने ‘बीपीसीएल’च्या (BPCL) क्रिश गुरबक्षानी याला 2-1 असे हरविले.

बिगरव्यावसायिक बिलियर्डस गटात आयओसीएलच्या आरिफ अख्तरने अंतिम फेरी गाठली. उपांत्य लढतीत त्याने ऑईल इंडियाच्या सौमेन याला 194 -84 असे हरविले. दुसऱ्या उपांत्य लढतीत ‘आयओसीएल’च्या अमरिश कमलापुरी याने सहकारी तसरिक हक याच्यावर 141-131 अशी मात केली.

सांघिक बिलियर्डस विजेतेपदासाठी इंडियन ऑईल कॉर्पोरेशन लिमिटेडने (Indian Oil Corporation) आणि ओएनजीसी यांच्या अंतिम लढत होईल. उपांत्य लढतीत आयओसीएलने बीपीसीएल संघाला नमविले. ओएनजीसी संघाने ऑईल इंडियावर मात केली.