World Cup 2023: वर्ल्डकपसाठी गांगुलीने निवडली टीम इंडिया, संजू, तिलक, चहल अन् अश्विनला डच्चू!

World Cup 2023: एकदिवसीय विश्वचषक 2023 ची तयारी जोरात सुरु आहे. क्रिकेटच्या या महाकुंभात टीम इंडियाचा संघ कसा असेल? हा प्रश्न प्रत्येकाच्या मनात आहे. बीसीसीआयने अद्याप एकदिवसीय विश्वचषक संघाची घोषणा केलेली नाही.

भारताचा माजी कर्णधार सौरव गांगुलीने 2023 मध्ये भारतात होणाऱ्या एकदिवसीय विश्वचषकासाठी टीम इंडियाचा संघ निवडला आहे.

त्याने 15 जणांच्या संघाची निवड केली आहे, ज्यात गांगुलीने संजू सॅमसन, तिलक वर्मा, यजुवेंद्र चहल आणि रविचंद्रन अश्विन यांना वगळले आहे.

गांगुलीने या फलंदाजांना स्थान दिले

सौरव गांगुलीने रोहित शर्मा (Rohit Sharma), शुभमन गिल आणि इशान किशन यांना विश्वचषक 2023 मध्ये सलामीची जोडी म्हणून निवडले आहे. मधल्या फळीत गांगुलीने विराट कोहली, श्रेयस अय्यर, केएल राहुल आणि सूर्यकुमार यादव यांना स्थान दिले आहे.

3 अष्टपैलू आणि 4 वेगवान गोलंदाजांचा समावेश आहे

अष्टपैलू खेळाडू म्हणून सौरव गांगुलीने हार्दिक पांड्या, रवींद्र जडेजा, अक्षर पटेल यांना संधी दिली आहे. त्याचबरोबर कुलदीप यादवलाही संधी दिली आहे.

गांगुलीच्या संघात जसप्रीत बुमराह (Jasprit Bumrah), मोहम्मद शमी, मोहम्मद सिराज आणि शार्दुल ठाकूर या चार वेगवान गोलंदाजांची नावे आहेत.

सौरव गांगुलीने 2023 च्या एकदिवसीय विश्वचषकासाठी टीम इंडियाचा संघ निवडला

रोहित शर्मा

शुभमन गिल

इशान किशन

विराट कोहली

श्रेयस अय्यर

केएल राहुल

सूर्यकुमार यादव

हार्दिक पांड्या

रवींद्र जडेजा

अक्षर पटेल

कुलदीप यादव

जसप्रीत बुमराह

मोहम्मद शमी

मोहम्मद सिराज

शार्दुल ठाकूर

एकदिवसीय विश्वचषक 2023 कधी सुरु होईल?

एकदिवसीय विश्वचषक 2023 भारतात होणार आहे. ही स्पर्धा 5 ऑक्टोबरपासून सुरु होणार असून 19 नोव्हेंबरपर्यंत चालणार आहे.

अहमदाबादच्या नरेंद्र मोदी स्टेडियमवर अंतिम सामना होणार आहे. टीम इंडिया विश्वचषकातील पहिला सामना 8 ऑक्टोबरला ऑस्ट्रेलियाविरुद्ध खेळणार आहे. तर दुसरा सामना 14 ऑक्टोबर रोजी पाकिस्तानविरुद्ध होणार आहे.