वॉर्नला वाटले आणखी 30 वर्षे आहेत... शेनच्या काऊंन्सलरने उघड केली रहस्ये

ऑस्ट्रेलियन दिग्गज शेन वॉर्नच्या (Shane Warne) मृत्यूला आता एक आठवड्याहून अधिक काळ लोटला आहे. तरीही त्याच्या मृत्यूच्या रहस्याबद्दल चर्चा सुरूच आहे. शेन वॉर्नला 4 मार्च रोजी थायलंडमध्ये हृदयविकाराचा झटका आला होता ज्यामुळे त्याचा मृत्यू झाला होता. आता त्यांचे पार्थिव ऑस्ट्रेलियाला नेण्यात आले आहे. दरम्यान शेन वॉर्नची समुपदेशक पुढे आली आहे, जीने शेन वॉर्नबद्दल अनेक गोष्टी उघड केल्या आहेत. लियान यंग 2015 पासून शेन वॉर्नशी संबंधित आहे आणि त्याला नातेसंबंधाबाबत सल्ला देत होती.

द सनच्या वृत्तानुसार, शेन वॉर्नची समुपदेशक लियान यंग यांनी दिलेल्या माहितीनुसार, शेन वॉर्न काही काळ खूप आनंदी होता आणि त्याला वाटले की त्याच्याकडे अजून किमान 30 वर्षांचे आयुष्य आहे. लियामच्या मते, शेन वॉर्न भविष्यातील वाटचालीसाठी किंवा सुखी आयुष्यासाठी खूप तयारी करत होता. मुलांसोबत थोडा वेळ घालवता यावा म्हणून त्याने तीन महिने सुट्टी घेतली होती. त्याला तब्येतीची फारशी काळजी नव्हती आपण आणखी तीस वर्ष जगणार असा विश्वास शेनला होता. जेव्हा मी त्याला काही प्रश्न विचारले तेव्हा तो आनंदी होता. मात्र शेन वॉर्न फॅट शेमिंग फोटोंबद्दल खूप निराश झाला होता, त्यानंतरच त्याने 14 दिवसा ज्यूस डाएट केला होता. तो सतत स्वत:च्या फिटनेसवर लक्ष केंद्रित करत होता, असे लियामने सांगितले.

शेन वॉर्नचा मृत्यू झाला तेव्हा तो थायलंडमध्ये होता. शेन वॉर्न आपल्या मित्रांसोबत थायलंडमध्ये सुट्टीवर गेला होता. येथे शेन वॉर्न एका व्हिलामध्ये थांबला होता, सुट्टीच्या दुसऱ्या दिवशी त्याला हृदयविकाराचा झटका आला आणि त्याचा मृत्यू झाला. थायलंड पोलिसांनी शेन वॉर्नचे पोस्टमॉर्टम केले, ज्यामध्ये वॉर्नचा मृत्यू हृदयविकाराच्या झटक्याने झाल्याचे स्पष्ट झाले. अशा स्थितीत त्यांच्या मृत्यूमध्ये कोणत्याही प्रकारची चूक आढळून आली नाही. शेन वॉर्नचा मृतदेह आता ऑस्ट्रेलियात नेण्यात आला आहे. 30 मार्च रोजी मेलबर्न क्रिकेट मैदानावर श्रद्धांजली सभेचे आयोजन केले जाईल, ज्यामध्ये एक लाखाहून अधिक लोक उपस्थित राहण्याच अंदाज आहे. शेन वॉर्नच्या पार्थिवावरही शासकीय इतमामात अंत्यसंस्कार करण्यात येणार आहेत.