Sandeep Lamichhane: बलात्कार प्रकरणात अडकलेला क्रिकेटर परतणार, वर्ल्डकपसाठी घेतला मोठा निर्णय

Cricket Association Of Nepal: लामिछानेवरील निलंबन मागे घेतल्याचा अर्थ तो नेपाळच्या आगामी क्रिकेट विश्वचषक लीग 2 तिरंगी मालिकेत नामिबिया आणि स्कॉटलंडविरुद्ध मायदेशात खेळेल.
Sandeep Lamichhane
Sandeep LamichhaneDainik Gomantak

Sandeep Lamichhane: क्रिकेट असोसिएशन ऑफ नेपाळ (CAN) ने बलात्काराच्या आरोपाखाली तुरुंगवास भोगलेला क्रिकेटपटू संदीप लामिछानेला मोठा दिलासा देऊन सर्वांनाच चकित केले आहे.

बलात्कारासारख्या गंभीर आरोपाचा सामना करत लामिछाने मैदानात परतणार, अशी कोणालाच अपेक्षा नव्हती, त्यामुळे या निर्णयाने क्रिकेटविश्वात खळबळ उडाली आहे. लामिछानेवरील निलंबन मागे घेतल्याचा अर्थ तो नेपाळच्या आगामी क्रिकेट विश्वचषक लीग 2 तिरंगी मालिकेत नामिबिया आणि स्कॉटलंडविरुद्ध मायदेशात खेळेल.

लमिछाने खेळणे न्यायालयाच्या निर्णयावर अवलंबून

नेपाळ क्रिकेट असोसिएशनचे महाव्यवस्थापक बृतांत खनाल यांनी दिलेल्या माहितीनुसार, जानेवारी महिन्यात न्यायालयाने जामीन मंजूर केल्यानंतर लामिछानेवरील निलंबन मागे घेण्यात आले आहे. तिरंगी मालिकेत खेळण्यासाठी त्याला नेपाळ न्यायालयाने (Court) जारी केलेल्या नियमांचा आदर करावा लागेल. नेपाळचा (Nepal) परदेश दौरा असेल, तर त्या मालिकेत लामिछाने खेळणे न्यायालयाच्या परवानगीवर अवलंबून असेल.

Sandeep Lamichhane
Sandeep Singh: धक्कादायक! महिला प्रशिक्षकाचा विनयभंग, क्रीडा मंत्र्यांविरुद्ध FIR दाखल

लामिछानेला देशाबाहेर जाण्यास बंदी

गेल्या वर्षी सप्टेंबरमध्ये काठमांडूमध्ये अटक वॉरंट जारी झाल्यानंतर लामिछानेला सर्व प्रकारच्या क्रिकेटमधून निलंबित करण्यात आले होते. नंतर न्यायालयाच्या अंतिम निर्णयापर्यंत त्याला US$15,300 च्या वैयक्तिक जातमुचलक्यावर जामीन मंजूर करण्यात आला. न्यायालयाच्या आदेशानुसार तो देश सोडून जाऊ शकत नाही.

लामिछाने प्रत्येक टी-20 लीगमध्ये खेळला आहे

22 वर्षीय लामिछाने नेपाळचा सर्वात हाय-प्रोफाइल क्रिकेटर आहे. तो एकमेव नेपाळी क्रिकेटपटू आहे, ज्याने जगाच्या सर्व भागात चालणाऱ्या T20 लीगमध्ये भाग घेतला आहे. तो आयपीएल, बीबीएल, पीएसएल, बीपीएल आणि सीपीएलमध्ये खेळला आहे.

Sandeep Lamichhane
Team India: वयाच्या 26 व्या वर्षी 'या' खेळाडूची कारकीर्द संपुष्टात, खराब कामगिरीमुळे...

लामिछाने याच्या नावावर अनेक विक्रम

एकदिवसीय क्रिकेटमध्ये सर्वात जलद 50 बळी घेणारा संदीप लामिछाने हा दुसरा खेळाडू आहे. त्‍याने टी-20 आंतरराष्‍ट्रीय क्रिकेटमध्‍ये तिसर्‍या जलद गतीने 50 विकेट घेतल्या. त्याने आपला शेवटचा आंतरराष्ट्रीय सामना ऑगस्ट 2022 मध्ये केनियातील T20 आंतरराष्ट्रीय मालिकेत खेळला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com