Rinku Singh added to India A squad for four-day match against England Lions:
इंग्लंड लायन्स (अ संघ) आणि इंग्लंडचा वरिष्ठ संघ सध्या भारत दौऱ्यावर आहे. इंग्लंड लायन्स भारतीय अ संघाविरुद्ध चार दिवसीय प्रथम श्रेणी क्रिकेट मालिका खेळत आहे. दरम्यान, ही मालिका चालू असतानाच बीसीसीआयने एक मोठा निर्णय घेतला आहे.
इंग्लंड लायन्सविरुद्ध चालू असलेल्या मालिकेतील दुसरा चारदिवसीय सामन्यासाठी भारतीय अ संघात 26 वर्षीय रिंकू सिंगचा समावेश करण्यात आला आहे. दुसरा चार दिवसीय सामना 24 जानेवारीपासून अहमदाबादला सुरू होणार आहे.
रिंकू सिंगने मर्यादीत षटकांच्या क्रिकेटमध्ये भारतीय संघाकडून शानदार कामगिरी केली आहे. तो गेल्या काही महिन्यापासून भारतीय टी२० संघातील नियमित सदस्यही बनला आहे. त्याने गेल्यावर्षी ऑगस्टमध्ये आयर्लंडविरुद्ध भारताकडून टी२० मध्ये पदार्पण केले होते. तसेच त्याने गेल्यावरीष डिसेंबरमध्ये दक्षिण आफ्रिदा दौऱ्यात वनडेतही पदार्पण केले.
रिंकूला भारतीय अ संघात प्रथम श्रेणी सामन्यांसाठी दक्षिण आफ्रिके दौऱ्यादरम्यान पहिल्यांदा संधी मिळाली होती. मात्र, त्यावेळी तो प्लेइंग ११ चा भाग नव्हता. त्यावेळी तो भारताच्या वरिष्ठ कसोटी संघासह ड्रेसिंग रुममध्ये होता, तसेच त्याने दक्षिण आफ्रिकेविरुद्ध भारतीय संघाकडून राखीव क्षेत्ररक्षक म्हणूनही भूमिका बजावली.
आता आगामी इंग्लंडविरुद्धच्या कसोटी मालिकेपूर्वी रिंकूला भारतीय अ संघात मिळाली संधी महत्त्वाची असल्याचे म्हटले जात आहे.
उत्तर प्रदेशकडून देशांतर्गत क्रिकेट खेळणाऱ्या रिंकूने आत्तापर्यंत 44 प्रथम श्रेणी सामने खेळले आहेत. त्याने 57.57 च्या सरासरीने 7 शतके आणि 20 अर्धशतकांसह 3109 धावा केल्या आहेत.
इंग्लंड लायन्सविरुद्ध दुसऱ्या चार दिवसीय सामन्यासाठी भारतीय अ संघ - अभिमन्यू ईश्वरन (कर्णधार), साई सुदर्शन, रजत पाटीदार, सरफराज खान, तिलक वर्मा, कुमार कुशाग्र, वॉशिंग्टन सुंदर, सौरभ कुमार, अर्शदीप सिंग, तुषार देशपांडे, विद्वत कवेरप्पा, उपेंद्र यादव, आकाश दीप, यश दयाल, रिंकू सिंग.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.