CSK vs RR: आयपीएल 2023 चा 37 वा सामना राजस्थान रॉयल्स आणि चेन्नई सुपर किंग्ज यांच्यात खेळला जात आहे. या सामन्यात राजस्थान रॉयल्सचा कर्णधार संजू सॅमसनने नाणेफेक जिंकून प्रथम फलंदाजी करण्याचा निर्णय घेतला. या सामन्यात नाणेफेकसोबतच राजस्थान रॉयल्सच्या नावावर एक मोठा विक्रम नोंदवला गेला आहे.
आयपीएलमधील (IPL) राजस्थान रॉयल्सचा हा 200 वा सामना आहे. आयपीएलमध्ये 200 हून अधिक सामने खेळणारा तो सातवा संघ ठरला आहे.
आयपीएलमध्ये सर्वाधिक सामने खेळण्याचा विक्रम मुंबई इंडियन्सच्या नावावर आहे. मुंबईने आयपीएलमध्ये 238 सामने खेळले आहेत. RCB संघ दुसऱ्या क्रमांकावर आहे.
RCB संघाने IPL मध्ये 235 सामने खेळले आहेत. राजस्थान रॉयल्सचा कर्णधार संजू सॅमसनने नाणेफेकीच्या वेळी सांगितले की, 'मी माझ्या ताकदीवर टिकून राहणे पसंत करतो. राजस्थानचा 200 वा सामना. राजस्थान रॉयल्सकडून 10 वर्षे खेळणे ही खूप आनंदाची भावना आहे.'
मुंबई इंडियन्स - 238 सामने
RCB - 235 सामने
दिल्ली कॅपिटल्स - 231 सामने
कोलकाता नाईट रायडर्स - 231 सामने
पंजाब किंग्ज - 225 सामने
चेन्नई सुपर किंग्ज - 216 सामने
राजस्थान रॉयल्स - 200 सामने
तसेच, राजस्थान रॉयल्स संघाने शेन वॉर्नच्या नेतृत्वाखाली 2008 साली आयपीएलचे विजेतेपद पटकावले होते. 199 सामन्यांपैकी राजस्थान रॉयल्स संघाने 98 सामने जिंकले आहेत. त्याचबरोबर त्यांना 96 सामन्यांत पराभवाचा सामना करावा लागला आहे. 3 सामने टाय झाले असून 2 सामन्यांचा निकाल लागला नाही.
राजस्थान रॉयल्स (प्लेइंग इलेव्हन): यशस्वी जैस्वाल, जोस बटलर, देवदत्त पडिक्कल, संजू सॅमसन (डब्ल्यूके/सी), सिमरन हेटमायर, ध्रुव जुरेल, रविचंद्रन अश्विन, जेसन होल्डर, अॅडम झम्पा, संदीप शर्मा, यजुवेंद्र चहल.
चेन्नई सुपर किंग्ज (प्लेइंग इलेव्हन): ऋतुराज गायकवाड, डेव्हॉन कॉनवे, अजिंक्य रहाणे, मोईन अली, शिवम दुबे, रवींद्र जडेजा, एमएस धोनी (डब्ल्यूके/सी), मथिशा पाथिराना, तुषार देशपांडे, महेश टेकशाना, आकाश सिंग.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.