IPL 2023: पंजाब किंग्ज आणि दिल्ली कॅपिटल्स यांच्यात बुधवारी खेळल्या जात असलेल्या आयपीएलच्या 64 व्या सामन्यात शिखर धवनने अविश्वसनीय झेल घेत क्रिकेट चाहत्यांना थक्क केले.
धरमशाला येथे खेळल्या जात असलेल्या या सामन्यात धवनने शानदार फलंदाजी करणाऱ्या डेव्हिड वॉर्नरची (David Warner) शिकार केली. हे दृश्य 11व्या षटकात पाहायला मिळाले.
सॅम करन टाकत असलेल्या 11व्या षटकात वॉर्नरने मोठा फटका खेळण्याचा प्रयत्न केला, पण तो चुकला. पाठीमागे धावत गब्बरने आपली नजर चेंडूवर ठेवली आणि अप्रतिम झेल पकडला.
सामन्याबद्दल बोलायचे झाल्यास, दिल्ली कॅपिटल्सने (Delhi Capitals) पहिल्यांदा फलंदाजी करताना 213 धावांची मोठी धावसंख्या उभारली. वॉर्नरशिवाय फॉर्मात नसलेल्या पृथ्वी शॉनेही चांगली खेळी खेळली.
त्याने 38 चेंडूत 7 चौकार आणि 1 षटकार मारत 54 धावा केल्या. त्याचवेळी, राईली रुसोने 6 चौकार आणि 6 षटकारांसह 221 पेक्षा जास्त स्ट्राइक रेटसह 37 चेंडूत नाबाद 82 धावा केल्या. फिल सॉल्टने 14 चेंडूत 26 धावांची उत्कृष्ट खेळी खेळली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.