पाकिस्तानी खेळाडूही लता दीदींच्या गाण्यांचे चाहते

रविवारी प्रसिद्ध गायिका लता मंगेशकर (Lata Mangeshkar) यांच्या निधनाबद्दल जगभरातील चाहत्यांनी शोक व्यक्त केला आणि त्यांना श्रद्धांजली वाहिली आहे. त्या नेहमीच लोकांच्या हृदयामध्ये असतील असे सांगितले. रोहित शर्माच्या (Rohit Sharma) नेतृत्वाखाली भारतीय क्रिकेट संघाच्या खेळाडूंनी लता मंगेशकर यांच्या निधानबद्दल शोक व्यक्त करण्यासाठी वेस्ट इंडिजविरुद्धच्या पहिल्या एकदिवसीय सामन्यात हातावर काळी पट्टी बांधली होती. लता दीदींच्या आवाजाचे केवळ भारतातच (India) नव्हे तर पाकिस्तानमध्ये देखील त्यांच्या गाण्यांचे चाहते आहेत.

पाकिस्तान क्रिकेट संघाचा कर्णधार बाबर आझमने त्यांच्या निधनाबद्दल शोक व्यक्त केला आहे. बाबर आझम यांनी इन्स्टाग्राम (Instagram) पोस्ट शेअर करत शोक व्यक्त केले आहे. त्याने लिहिले आहे की, सुवर्ण युगाचा शेवट. त्यांचा जादुई आवाज आणि वारसा जगभरातील लाखो लोकांच्या हृदयात जीवंत राहील. रिप लता मंगेशकर.

पाकिस्तान क्रिकेट बोर्डाचे अध्यक्ष रमीझ राजा यांनी रविवारी गायिका लता मंगेशकर यांच्या निधानाबद्दल शोक व्यक्त केला आणि त्या"दयाळूपणाच्या प्रतीक" होत्या. राजा यांनी ट्वीट केले की, लता मंगेशकर कृपा, नम्रता आणि साधेपणाच्या प्रतीक होत्या आणि म्हणूनच त्या महान आहेत. किशोर कुमार आणि आता लता मंगेशकर यांच्या मृत्यूने माझ्यातील संगीत तुटले आहे.

लता मंगेशकर यांच्या मधुर आवाजासाठी त्यांना भारताची कोकिळा म्हणून ओळखले जात असे. 1942 मध्ये वयाच्या 13 व्या वर्षी त्यांनी आपल्या करिअला सुरुवात केली. सात दशकांच्या कारकिर्दीत लताजीनी एक हजराहून अधिक हिंदी चित्रपटांसाठी गाणी रेकॉर्ड केली. त्यांनी छत्तीसहून अधिक प्रादेशिक भारतीय भाषा आणि परदेशी भाषांमध्ये गाणी गायली. रविवारी लता मंगेशकर यांचे निधन (Lata Mangeshkar passes away) झाले आहे. वयाच्या 92 व्या वर्षी त्यांनी अखेरचा श्वास घेतला. लतादिदींना कोरोनासोबतच न्यूमोनियाची लागण झाली होती.