पणजी: ऑनलाईन राष्ट्रीय बुद्धिबळ (Online National Chess) स्पर्धेच्या सीनियर गटात मंगळवारी गोव्याचा फिडे मास्टर (Fide Master) नीतिश बेलुरकर (Nitish Belurkar) याने सनसनाटी विजय नोंदविले. त्याने लागोपाठ दोघा मानांकित खेळाडूंना पराभवाचा धक्का देत गुणसंख्या साडेपाचवर नेली. नीतिशने अगोदर अव्वल मानांकित ग्रँडमास्टर अभिजित गुप्ता (एलो 2612) याला जबरदस्त धक्का दिला, नंतर पाचवा मानांकित ग्रँडमास्टर हर्ष भारतकोटी (एलो 2509) यालाही पराजित केले. नीतिश आता क्रमवारीत तेराव्या स्थानी आहे.
अन्य गोमंतकीय खेळाडूंत ऋत्विज परब यानेही धक्कादायक विजयाची नोंद केली. त्याने ग्रँडमास्टर पी. इनियान (एलो 2506) याला नमविले. ऋत्विजचे साडेचार गुण झाले आहेत. गोव्याचा इंटरनॅशनल मास्टर अमेय अवदी याच्या खाती पाच गुण आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
