ICC World Cup 2023 स्पर्धेच्या तारखा ठरल्या? भारतातील 'या' 12 शहरांमध्ये रंगणार थरार...

आयसीसी किंवा बीसीसीआयकडून वर्ल्डकप 2023 स्पर्धेचे वेळापत्रक जाहीर झालेले नसले तरी संभाव्य तारखा आणि ठिकाणे समोर आली आहेत.
World Cup 2023
World Cup 2023Dainik Gomantak

ICC World Cup 2023: भारतात यावर्षी आयसीसी वनडे वर्ल्डकप खेळवला जाणार आहे. मात्र अद्याप आयसीसी किंवा बीसीसीआयकडून या स्पर्धेचे वेळापत्रक जाहीर झालेले नाही. पण आता संभाव्य तारखा आणि ठिकाणे समोर आली आहेत.

एकूण 10 संघात होणारा हा वर्ल्डकप भारतात 5 ऑक्टोबर ते 19 नोव्हेंबर या दरम्यान होण्याची दाट शक्यता आहे. तसेच एकूण 12 ठिकाणांवर या वर्ल्डकपमधील सामने होऊ शकतात.

इएसपीएन क्रिकइन्फोने दिलेल्या माहितीनुसार या वर्ल्डकपचा अंतिम सामना 19 नोव्हेंबरला जगातील सर्वात मोठे क्रिकेट स्टेडियमवर म्हणजेच अहमदाबादच्या नरेंद्र मोदी स्टेडियवर खेळवला जाऊ शकतो.

World Cup 2023
FIFA World Cup 2026 चे Schedule जाहीर, या दिवशी खेळवला जाणार अंतिम सामना

अहमदाबादशिवाय या वर्ल्डकपमधील सामने बेंगळुरू, चेन्नई, दिल्ली, धरमशाला, गुवाहाटी, हैदराबाद, कोलकाता, लखनऊ, इंदोर, राजकोट आणि मुंबई या शहरांमध्ये होऊ शकतात. वर्ल्डकप 2023 स्पर्धा एकूण 46 दिवस चालणार असून एकूण 48 सामने या स्पर्धेत खेळवले जाणार आहेत. यामध्ये तीन बाद फेरीचे सामने देखील असणार आहेत.

दरम्यान, अद्याप याबद्दल बीसीसीआय किंवा आयसीसीकडून याबद्दल कोणतीही पृष्टी करण्यात आलेली नाही. खरंतर आयसीसीकडून कोणत्याही स्पर्धेचे साधारणत: एक वर्षांपूर्वीच वेळापत्रक घोषित केले जाते. मात्र, सध्या बीसीसीआयला काही गरजेच्या परवानग्या भारतीय सरकारकडून मिळणे बाकी असल्याचे हे वेळापत्रक जाहीर करण्यात उशीर होत असल्याची शक्यता आहे.

सध्या स्पर्धेसाठी कर सूट मिळण्याबाबत आणि पाकिस्तानी खेळाडूंचा व्हिसा या प्रकरणांबाबत भारतीय सरकारची परवानगी येणे बाकी आहे. त्यामुळे काही परवानग्या मिळाल्यानंतर हे वेळापत्रक घोषित होण्याची शक्यता आहे.

World Cup 2023
World Cup 2023: ‘ही’ टीम जिंकणार 2023 चा वर्ल्ड कप, ऑस्ट्रेलियन गोलंदाजाची भविष्यवाणी

या स्पर्धेत वर्ल्डकप सुपर लीग स्पर्धेअंतर्गत झालेल्या मालिकांच्या क्रमवारीनुसार पहिल्या 8 क्रमांकावरील संघ थेट 2023 वर्ल्डकपसाठी पात्र ठरणार आहेत. तर उर्वरित 5 संघांना अन्य 5 सहसदस्य संघांविरुद्ध पात्रता फेरी खेळावी लागणार आहे.

यातून अव्वल 2 संघ वर्ल्डकप खेळण्यासाठी पात्र ठरतील. असे एकूण 10 संघात ही स्पर्धा रंगणार आहे. लक्षात घेण्यासारखी गोष्ट अशी की भारतीय संघ आयोजक असल्याने या वर्ल्डकपसाठी थेट पात्र ठरला आहे.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com