FIFA World Cup 2026: FIFA विश्वचषक 2022 नुकताच अर्जेंटिना संघाने जिंकला होता. अर्जेंटिनाने अंतिम सामन्यात फ्रान्सचा पराभव करुन ट्रॉफी जिंकली. या स्पर्धेबाबत एक नवीन अपडेट समोर आली आहे. पुढील फिफा विश्वचषक 2026 मध्ये खेळवला जाणार असून त्याचे वेळापत्रक जाहीर करण्यात आले आहे.
FIFA परिषदेने 2026 च्या FIFA विश्वचषक (FIFA World Cup) फायनलची तारीख निश्चित केली आहे, नवीन आंतरराष्ट्रीय सामन्यांच्या कॅलेंडरला मान्यता दिली आहे.
2026 फिफा विश्वचषक स्पर्धेचा अंतिम सामना 19 जुलै 2026 रोजी खेळवला जाईल. मात्र, ही स्पर्धा कोणत्या दिवशी सुरु होणार, याबाबत अद्याप निर्णय झालेला नाही. पुढच्या वेळी फिफा विश्वचषकात विक्रमी 104 सामने खेळले जाणार आहेत.
तसेच, किगाली, रवांडा येथे 73 व्या FIFA काँग्रेसच्या अगोदर फिफा कौन्सिलची बैठक झाली. विशेषत: पुरुष आणि महिलांच्या (Women) स्पर्धांच्या भविष्याबाबत अनेक महत्त्वाचे निर्णय घेतले, असे शिन्हुआ वृत्तसंस्थेच्या अहवालात म्हटले आहे.
2026 च्या FIFA विश्वचषकासाठी तीन संघांच्या 16 गटांमधून 4 संघांच्या 12 गटांमध्ये बदल करण्यास सर्वानुमते मान्यता दिली, ज्यामध्ये अव्वल दोन आणि 8 सर्वोत्तम तृतीय क्रमांक असलेले संघ 32 च्या फेरीत पोहोचले.
महिलांच्या आंतरराष्ट्रीय सामन्यांच्या कॅलेंडर 2024-2025 मध्ये प्रति वर्ष 6 आंतरराष्ट्रीय विंडो असतील. 2024 पॅरिस ऑलिम्पिक स्पर्धेतील महिला फुटबॉल (Football) स्पर्धा 25 जुलै ते 10 ऑगस्ट दरम्यान खेळवली जाईल.
फिफा कौन्सिलने खेळाडूंच्या कल्याणासाठी आणि इतर निर्णयांवर समर्पित टास्क फोर्सच्या स्थापनेलाही मान्यता दिली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.