भारत आणि श्रीलंका (India vs Sri Lanka) यांच्यातील मालिकेतील दुसरा आणि शेवटचा कसोटी सामना शनिवारपासून बेंगळुरुच्या एम चिन्नास्वामी स्टेडियमवर सुरु होत आहे. हा सामना डे- नाईट (Day-Night Test) असणार आहे. अशा डे-नाईट सामन्यांचं फॉरमॅट चांगलंच लोकप्रिय आहे. त्यामुळेच चाहत्यांना आकर्षित करण्यासाठी अशा डे-नाईट कसोटी सामन्यांचे आयोजन करण्यात येते. परंतु या सामन्यात वेगळी आव्हाने आहेत. हा सामना लाला चेंडूने नाही तर गुलाबी चेंडूने खेळला जातो. दुसरीकडे या फॉरमॅटमध्ये येणाऱ्या समस्यांबद्दल खेळाडूंनी अनेकवेळा आपली मते नोंदवली आहेत. (Jaspreet Bumrah Has Said That It Is Impossible To Set A Set Parameter For Day Night Matches)
यातच आता आता भारतीय संघाचा उपकर्णधार जसप्रीत बुमराहने (Jasprit Bumrah) शुक्रवारी सांगितले की, 'गुलाबी चेंडूवर कसोटी सामना खेळताना क्रिकेटपटूंना मानसिकदृष्ट्या जुळवून घ्यावे लागते. परंतु त्यासंबंधी कोणतेही निश्चित निकष नाहीत, कारण आतापर्यंत खेळलेल्या तीनही डे-नाईट कसोटी सामन्यांमध्ये परिस्थिती वेग-वेगळी होती.'
प्रत्येक वेळी स्थिती वेगळी
बुमराह म्हणाला की, 'टीम इंडियाने (Team India) जेव्हा-जेव्हा डे-नाईट कसोटी सामने खेळले आहेत, तेव्हा प्रत्येक वेळी त्यांना वेगवेगळ्या परिस्थितींचा सामना करावा लागला आहे.'
बुमराह पुढे म्हणाला, “आम्ही गुलाबी चेंडूने जास्त सामने खेळलो नाही. मी जेव्हाही खेळलो तेव्हा परिस्थिती वेगळी राहिली आहे.
शिवाय, भारताने पहिला डे-नाईट कसोटी सामना बांगलादेशविरुद्ध खेळला आहे. या सामन्यात भारताने 46 धावांनी विजय मिळवला होता. भारताने आपला दुसरा डे-नाईट कसोटी सामना अ‍ॅडलेडमध्ये ऑस्ट्रेलियाविरुद्ध खेळला आहे. परंतु या सामन्यात टीम इंडियाचा पराभव झाला. यानंतर भारताने गेल्या वर्षी इंग्लंडविरुद्ध तिसरा डे-नाईट कसोटी सामना खेळला आणि 10 गडी राखून विजय मिळवला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
