IND vs PAK: इशान किशननं भारताला तारलं, पण केएल राहुलची डोकेदुखी मात्र वाढली

Ishan Kishan: आशिया चषक स्पर्धेत शनिवारी पाकिस्तानविरुद्ध इशान किशनने त्याच्या अर्धशतकी खेळीने छाप पाडली आहे.
Ishan Kishan
Ishan KishanDainik Gomantak

Ishan Kishan claim to cement his place in India Cricket team :

आशिया चषक स्पर्धेच्या साखळी फेरीतील बहुचर्चित भारत आणि पाकिस्तान सामना शनिवारी पहिल्या डावानंतर रद्द झाला. या सामन्यात भारतीय संघाने नाणेफेक जिंकून प्रथम फलंदाजी करण्याचा निर्णय घेतला होता. मात्र, भारताचा डाव 48.5 षटकात 266 धावांवर संपला. 

दरम्यान, भारताकडून इशान किशनने अर्धशतकी खेळी करत अनेकांना प्रभावित केले. पण असे असले तरी केएल राहुलची डोकेदुखी मात्र वाढली आहे.

सध्या ऋषभ पंत दुखापतग्रस्त असल्याने यष्टीरक्षक म्हणून भारतीय संघात स्थान मिळवण्यासाठी इशान किशन, केएल राहुल आणि संजू सॅमसन यांच्यात स्पर्धा आहे. त्यातही आशिया चषकासाठी तरी इशान किशन आणि केएल राहुल यांना भारतीय संघव्यवस्थापनाकडून पहिली पसंती मिळाली आहे.

Ishan Kishan
IND vs PAK: सावधान! पाकिस्तानविरुद्ध सामना रद्द झाला, तरी भारतीय संघाला 'या' बाबतीत रहावे लागणार सतर्क

परंतु, केएल राहुल दुखापतग्रस्त असल्याने साखळी फेरीसाठी तो उपलब्ध नाही. अशात इशानने त्याला मिळालेल्या संधीचा फायदा घेतला आहे. त्याने पाकिस्तानविरुद्ध भरताची वरची फळी कोलमडल्यानंतर भारतीय संघ 4 बाद 66 अशा परिस्थितीत असताना हार्दिक पंड्याबरोबर 138 धावांची भागीदारी केली.

तो 5 व्या क्रमांकावर फलंदाजी करताना 81 चेंडूत 9 चौकार आणि 2 षटकारांसह 82 धावांची खेळी केली. त्याचे शतक 18 धावांनी थोडक्यात हुकले. पण असे असले तरी त्याने त्याच्यातील कौशल्य दाखवून दिले असल्याने भारतासाठी यष्टीरक्षक फलंदाज म्हणून आपली दावेदारी प्रबळ केली आहे.

Ishan Kishan
IND vs PAK: हार्दिक-इशान पास, तर बाकी फलंदाज फेल! भारताचे पाकिस्तानला 267 धावांचे आव्हान

त्यामुळे आता केएल राहुलसमोरील आव्हान मात्र कठीण बनले आहे. तसेच तो मे महिन्यापासून स्पर्धात्मक क्रिकेटही खेळलेला नाही. त्याचमुळे पुनरागमनात तो कशी कामगिर करतो हे देखील आता पाहाणे महत्त्वाचे ठरणार आहे. कारण तो जर त्याची छाप पाडण्यात अपयशी ठरला, तर इशान त्याची जागा पक्की करू शकतो.

दरम्यान, इशान व्यतिरिक्त हार्दिक पंड्यानेही अर्धशतकी खेळी केली. त्याने 90 चेंडूत 7 चौकार आणि 1 षटकारासह 87 धावा केल्या. पाकिस्तानकडून शाहिन शाह आफ्रिदीने सर्वाधिक 4 विकेट्स घेतल्या.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com