IPL 2026 Playoffs Schedule: भारतीय क्रिकेट नियामक मंडळाने (BCCI) टाटा इंडियन प्रीमियर लीग (IPL) 2026 च्या प्लेऑफ फेरीचे अधिकृत वेळापत्रक जाहीर केले. लीग स्टेजमधील 70 अटीतटीच्या सामन्यांनंतर आता हा थरार त्याच्या निर्णायक टप्प्यात पोहोचला. विशेष म्हणजे, या हंगामात काही तांत्रिक आणि लॉजिस्टिक कारणांमुळे प्लेऑफचे सामने तीन वेगवेगळ्या शहरांमध्ये खेळवले जाणार आहेत.
वेळापत्रकानुसार, गुणतालिकेतील अव्वल दोन संघांमधील 'क्वॉलिफायर 1' चा सामना 26 मे रोजी धरमशाला येथील नयनरम्य एचपीसीए स्टेडियमवर खेळवला जाईल. या सामन्यातील विजेता संघ थेट अंतिम फेरीत प्रवेश करेल. त्यानंतर, 27 मे रोजी न्यू चंदीगड येथील इंटरनॅशनल क्रिकेट स्टेडियमवर तिसऱ्या आणि चौथ्या क्रमांकाच्या संघांमध्ये 'एलिमिनेटर'चा सामना होईल. याच मैदानावर 29 मे रोजी 'क्वॉलिफायर 2' चा सामना पार पडेल, ज्यामध्ये क्वॉलिफायर 1 मधील पराभूत संघ आणि एलिमिनेटरमधील विजेता संघ अंतिम फेरीतील दुसऱ्या जागेसाठी एकमेकांशी भिडतील.
या भव्य हंगामाचा समारोप 31 मे रोजी अहमदाबादच्या नरेंद्र मोदी स्टेडियमवर होईल. जगातील सर्वात मोठ्या क्रिकेट स्टेडियमवर आयपीएल 2026 चा महाअंतिम सोहळा रंगणार आहे. विशेष म्हणजे, यापूर्वी अंतिम सामन्याचे यजमानपद बंगळुरुकडे सोपवण्यात आले होते. मात्र, स्थानिक असोसिएशन आणि प्राधिकरणांच्या काही अटी बीसीसीआयच्या (BCCI) मार्गदर्शक तत्त्वांच्या पलीकडे असल्याने बीसीसीआयने बंगळुरुकडून यजमानपद काढून घेत ते अहमदाबादला बहाल केले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.