IPL 2024 Players Auction:
इंडियन प्रीमियर लीगचा 17 वा हंगाम पुढील वर्षी रंगणार आहे. त्यामुळे या हंगामाला काही महिनेच शिल्लक राहिले असल्याने सर्वच 10 फ्रँचायझींनी संघबांधणी करण्याची तयारी सुरु केली आहे. दरम्यान, लिलावात जवळपास सर्वच संघ संघबांधणी बऱ्यापैकी पूर्ण करताना दिसतील.
या लिलावासाठी जवळपास हजाराहून अधिक खेळाडूंनी नोंदणी केली होती. त्यातील बीसीसीआयने 333 खेळाडूंची लिलावासाठी निवड केली आहे. या 333 खेळाडूंमध्ये 214 भारतीय खेळाडू, 119 परदेशी खेळाडू आहेत.
तसेच 333 खेळाडूंपैकी 116 खेळाडूंनी आंतरराष्ट्रीय क्रिकेट खेळले आहे आणि 215 खेळाडूंनी आंतरराष्ट्रीय क्रिकेट खेळलेले नाही.
दरम्यान, 10 संघात मिळून केवळ 77 खेळाडूंसाठी जागा रिक्त आहे. त्यामुळे 333 खेळाडूंमधून फक्त 77 खेळाडूंवरच बोली लागण्याची शक्यता आहे. यामध्ये 30 परदेशी खेळाडूंसाठी जागा रिक्त आहे.
आयपीएल 2024 हंगामाचा लिलाव दुबईतील कोका-कोला एरिनामध्ये रंगणार आहे. त्यामुळे पहिल्यांदाच परदेशात आयपीएलचा लिलाव होताना दिसणार आहे. यापूर्वी झालेल्या सर्व १६ हंगामाचे लिलाव भारतात झाले होते.
माध्यमांतील वृत्तानुसार आयपीएल 2024 हंगामाच्या लिलावासाठी मलिका सागर लिलावर्ता म्हणून काम पाहाणार आहेत. यापूर्वी 2008 ते 2018 दरम्यान रिचर्ड मॅडली यांनी ही जबाबदारी सांभाळली होती.
त्यानंतर 2019 ते 2023 हंगामादरम्यान ह्यू एडमीड्स लिलावकर्ता होते. तसेच 2022 हंगामाच्या लिलावामध्ये एडमीड्स यांची शुद्ध हरपल्याने चारू शर्मा यांनी उर्वरित लिलावात लिलावकर्ता म्हणून भूमिका बजावली होती.
आयपीएल 2024 हंगामाचा लिलाव दुबईतील स्थानिक वेळेनुसार सकाळी 11.30 वाजता सुरु होईल, तर भारतीय प्रमाणवेळेनुसार दुपारी 1.00 वाजता लिलावाला सुरुवात होणार आहे.
आयपीएल 2024 हंगामाचा लिलाव टीव्हीवर स्टार स्पोर्ट्सच्या चॅनेलवर लाईव्ह पाहाता येणार आहे. तर जिओ सिनेमा ऍप किंवा वेबसाईटवरही हा लिलाव लाईव्ह प्रक्षेपित केला जाणार आहे.
चेन्नई सुपर किंग्स -
शिल्लक रक्कम - 31.4 कोटी रुपये
शिल्लक जागा - 6 (परदेशी खेळाडू - 3)
दिल्ली कॅपिटल्स
शिल्लक रक्कम - 28.95 कोटी रुपये
शिल्लक जागा - 9 (परदेशी खेळाडू - 4)
गुजरात टायटन्स
शिल्लक रक्कम - 38.15 कोटी रुपये
शिल्लक जागा - 8 (परदेशी खेळाडू - 2)
कोलकाता नाईट रायडर्स
शिल्लक रक्कम - 32.7 कोटी रुपये
शिल्लक जागा - 12 (परदेशी खेळाडू - 4)
लखनऊ सुपर जायंट्स
शिल्लक रक्कम - 13.15 कोटी रुपये
शिल्लक जागा - 6 (परदेशी खेळाडू - 2)
मुंबई इंडियन्स
शिल्लक रक्कम - 17.75 कोटी रुपये
शिल्लक जागा - 8 (परदेशी खेळाडू - 4)
पंजाब किंग्स
शिल्लक रक्कम - 29.1 कोटी रुपये
शिल्लक जागा - 8 (परदेशी खेळाडू - 2)
रॉयल चॅलेंजर्स बेंगलोर
शिल्लक रक्कम - 23.25 कोटी रुपये
शिल्लक जागा - 6 (परदेशी खेळाडू - 3)
राजस्थान रॉयल्स
शिल्लक रक्कम - 14.5 कोटी रुपये
शिल्लक जागा - 8 (परदेशी खेळाडू - 3)
सनरायझर्स हैदराबाद
शिल्लक रक्कम - 34 कोटी रुपये
शिल्लक जागा - 6 (परदेशी खेळाडू - 3)
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
