IPL 2022: चाहत्यांची प्रतीक्षा संपली, जाणून घ्या कुठे आणि किती सामने होणार;
आयपीएल गव्हर्निंग कौन्सिलने गुरुवारी झालेल्या बैठकीत आयपीएल 2022 संदर्भात अनेक महत्त्वाचे निर्णय घेतले आहेत. हवाई प्रवास टाळण्यासाठी इंडियन प्रीमियर लीगचा (Ipl)15 वा हंगाम एकाच हबमध्ये बायो-बबलमध्ये खेळला जाईल. IPL च्या गव्हर्निंग कौन्सिलने निर्णय घेतला आहे की IPL 2022 शनिवार, 26 मार्चपासून सुरू होईल. यावेळी 10 संघ दोन गटात विभागले जाणार आहेत. या मोसमात प्लेऑफ आणि फायनलसह एकूण 74 सामने खेळले जातील, तर 70 लीग सामने खेळवले जातील.
आयपीएल 2022 मध्ये एकूण 74 सामन्यांसाठी 10 आयपीएल संघ दोन गटांमध्ये विभागले जातील, ज्यामध्ये प्लेऑफ आणि फायनलचाही समावेश असेल. IPL ट्रॉफी जिंकलेल्यांची संख्या आणि त्या संघांनी खेळलेल्या अंतिम सामन्यांच्या संख्येवर आधारित संघांना दोन आभासी गटांमध्ये विभागले गेले आहे.
प्रत्येक संघ त्यांच्या गटातील संघांसह दोनदा खेळेल आणि दुसर्‍या गटातील समोरील संघासोबत दोन सामने खेळेल. दुसऱ्या गटातील उर्वरित संघांसह ते हंगामात फक्त एकदाच खेळतील.
अ गटात, मुंबई इंडियन्स संघ (Mumbai Indians)KKR, RR, DC, LSG विरुद्ध 2-2 सामने खेळेल. मुंबई 2 सामने CSK विरुद्ध आणि 1 सामना इतर संघांविरुद्ध ब गटात खेळणार आहे. त्याचप्रमाणे ब गटात, RCB संघ CSK, SRH, PBKS आणि GT विरुद्ध 2 सामने खेळेल. RCB 2 सामने RR विरुद्ध आणि 1 सामना इतर संघांविरुद्ध A गटात खेळणार आहे.
10 संघ एकूण 14 साखळी सामने खेळतील (7 घरगुती सामने आणि 7 बाहेरील सामने), एकूण 70 लीग सामने, त्यानंतर 4 प्लेऑफ सामने. प्रत्येक संघ 5 संघांशी दोनदा आणि उर्वरित 4 संघ फक्त एकदाच खेळेल (2 घरच्या मैदानावर, 2 बाहेर).
सर्व संघ वानखेडे स्टेडियम (Wankhede Stadium Mumbai) आणि डीवाय पाटील स्टेडियमवर प्रत्येकी 4 सामने खेळतील. ब्रेबॉर्न स्टेडियम (CCI) आणि MCA आंतरराष्ट्रीय स्टेडियम, पुणे येथे प्रत्येकी 3 सामने होतील. 26 मार्च 2022 पासून ही स्पर्धा सुरू होणार असून 29 मे 2022 रोजी अंतिम सामना खेळवला जाईल. प्लेऑफ सामन्यांचे ठिकाण नंतर ठरवले जाईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.