राजस्थान रॉयल्सचा (Rajasthan Royal) सलामीवीर जोस बटलरने (Jos Buttler) शनिवारी आयपीएल 2022 (IPL 2022) च्या नवव्या सामन्यात मुंबई इंडियन्सविरुद्ध (Mumbai Indians) 100 धावांचे शानदार शतक झळकावले आहे. या खेळीत त्याने 68 चेंडूत 11 चौकार आणि पाच षटकार मारले आहेत. या मोसमात शतक झळकावणारा बटलर पहिला फलंदाज ठरला. मात्र, शतक झळकावल्यानंतर बटलरला जो मान मिळायला हवा होता तो तर मिळाला नाही. (IPL 2022 Joss Butler doesnt get Orange Cap despite scoring a century)
बटलर आणि मुंबई इंडियन्सचा इशान किशन यांच्यात 135-135 धावा समान आहेत, पण सध्या ऑरेंज कॅप इशानच्या डोक्यावर आहे. दोन्ही फलंदाजांनी प्रत्येकी दोन सामने खेळले आहेत, ईशानची सरासरी आणि स्ट्राईक रेट बटलरपेक्षा जास्त असला, तरी त्याच्याडोक्यावर सध्या ऑरेंज कॅप आहे.
जोस बटलर सध्या दुसऱ्या क्रमांकावर आहे. त्याच्याशिवाय शेवटच्या सामन्यात स्फोटक खेळी खेळणाऱ्या आंद्रे रसेलची राजवट 24 तासही टिकू शकली नाही आणि इशान किशनने त्याच्याकडून ऑरेंज कॅप आपल्या डोक्यावर घेतली म्हणायला हरकत नाही. रसेल आता तीन सामन्यांत 95 धावांसह तिसऱ्या क्रमांकावर घसरला. रॉयल चॅलेंजर्स बंगळुरूचा कर्णधार फाफ डू प्लेसिस (Faf du Plessis) दोन सामन्यांत 93 धावांसह चौथ्या क्रमांकावर आहे. त्याच्याशिवाय राजस्थान रॉयल्सचा कर्णधार संजू सैमसन (Sanju Samson) दोन सामन्यांत 85 धावांसह टॉप-5 मध्ये कायम स्थानावर आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
