इंडियन वूमन्स लीग फुटबॉल स्पर्धा; शिरवडे क्लबने नोंदविला पहिला विजय

पणजी: इंडियन वूमन्स लीग फुटबॉल स्पर्धेत पाच पराभव आणि एक बरोबरी अशी निराशाजनक कामगिरी केलेल्या गोव्याच्या शिरवडे स्पोर्टस क्लबने अखेर पहिला विजय नोंदविला. त्यांनी पश्चिम बंगालच्या एसएसबी वूमन स्पोर्टस क्लबला 2 - 1 फरकाने हरविले. सामना भुवनेश्वर येथील 7 बटालियन मैदानावर झाला. (Indian Women's League football tournament; Shirwade Club recorded its first victory )

सन्फिदा नोंगरुम हिने 32 व्या मिनिटास शिरवडे क्लबला आघाडी मिळवून दिली. नंतर 60 व्या मिनिटास संध्या कच्छप हिच्या गोलमुळे एसएसबी संघाने बरोबरी साधली. लगेच 62 व्या मिनिटास अर्पिता पेडणेकर हिने केलेल्या गोलमुळे शिरवडे क्लबने पुन्हा आघाडी प्राप्त केली व ती शेवटपर्यंत टिकविली. शिरवडे क्लबचे या विजयामुळे सात लढतीनंतर चार गुण झाले आहेत. एसएसबी संघाचे चौथ्या पराभवामुळे सात लढतीनंतर नऊ गुण कायम राहिले. त्यांचा हा सलग तिसरा पराभव ठरला.