पणजी : इंडियन नॅशनल बास्केटबॉल लीग (आयएनबीएल) 3 बाय 3 स्पर्धेत महिला गटात पोस्ट अप्स, डेक्कन जिमखाना, जंपशॉट हूपर्स संघाने चमकदार विजय नोंदविले. स्पर्धा येथील डॉन बॉस्को ओरेटरी इनडोअर बास्केटबॉल कोर्टवर सुरू आहे. (Indian National Basketball League updates)
पुरुष गटात नागपूर गॅलंट्स संघाने कोर्ट व्हिजन पुणे संघावर 16-8 असा, मुझफ्फरपूर बॉलर्सने पिस्टन्सवर 7-0 असा, वायएमसीए टायटन्सने कॅगर्सवर 10-8 असा, तर डीबीओ फातोर्डा संघाने गोवा गोवा संघावर 14-12 असा विजय नोंदविला.
महिला गटातील लढतीत पोस्ट अप्स संघाने हॉट शॉट्सवर 21-9 असा, डेक्कन जिमखान्याने वाईल्ड विंग्ज बॉलर्सवर 18-10 असा, तर जंपशॉट हूपर्सने इन्फर्नो संघावर 10-3 असा विजय मिळविला.
पुरुषांच्या फ गटात शिवोली संघाने यूबीए संघावर 15-9, डेक्कन बॉईजने जीटी 30 संघावर 19-13, लुर्दिश संघाने एबीडी बॉईजवर 12-6, तर अँड 1 संघाने एमएलटीबी संघावर 20-7 फरकाने विजय प्राप्त केला.
पुरुषांच्या 18 वर्षांखालील गटात वारणा हूप्सने चुरशीच्या लढतीत बीएससी संघावर 11-10 अशी अवघ्या एका गुणफरकाने मात केली. या वयोगटातील महिला गटात वाईल्ड विंग बॉलर्सने के क्रू संघावर 20-8 असा, तर जंपशॉट हूपर्सने इन्फीनाईट्सवर 16-3 फरकाने विजय नोंदविला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
