Kedar Jadhav Father Missing: भारतीय क्रिकेट संघातील क्रिकेटपटू केदार जाधवचे वडील पुण्यातून बेपत्ता असल्याची माहिती नुकतीच समोर आली आहे. केदारचे वडील महादेव जाधव पुण्यातील कोथरूड भागातून आज (27 मार्च) सकाळी 11.30 वाजण्याच्या सुमारास पासून ते बेपत्ता झाल्याची माहिती मिळाली आहे.
समोर आलेल्या माहितीनुसार, केदार जाधवचा परिवार कोथरूड भागात राहायला आहे. महादेव जाधव यांनी आज सकाळी 11.30 वाजण्याच्या सुमारास रिक्षा घेऊन गेले मात्र आत्तापर्यंत त्यांचा काहीच शोध लागलेला नाही. त्यांच्या जवळ असलेला फोन सुद्धा बंद लागत आहे. तसेच त्यांच्या हरवल्याची तक्रार पोलिसांकडे दाखल करण्यात आली आहे.
दरम्यान, केदार जाधव भारतीय संघाकडून 2014 ते 2020 या सहा वर्षात क्रिकेट खेळला आहे. त्याने 73 वनडे सामने खेळले आहेत. तसेच 9 आंतरराष्ट्रीय टी20 सामने खेळले आहेत. त्याने वनडे क्रिकेटमध्ये 42.09 च्या सरासरीने 1389 धावा केल्या आहेत. यामध्ये 2 शतके आणि 6 अर्धशतकांचा समावेश आहे. तसेच त्याने 27 विकेट्सही घेतल्या आहेत.
त्याचबरोबर त्याने आंतरराष्ट्रीय टी२० सामन्यांमध्ये 122 धावा केल्या असून यात एका अर्धशतकाचा समावेश आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.