India Women vs Australia Women 1st ODI: भारतीय महिला क्रिकेट संघ आणि ऑस्ट्रेलिया महिला क्रिकेट संघ यांच्यातील पहिला एकदिवसीय सामना मुंबईतील वानखेडे स्टेडियमवर खेळला गेला. ऑस्ट्रेलियाने हा सामना 6 विकेट्सने जिंकला. या विजयासह ऑस्ट्रेलियन महिला संघाने मालिकेत 1-0 अशी आघाडी घेतली आहे. ऑस्ट्रेलियासाठी शानदार फलंदाजी करणाऱ्या फोबी लिचफिल्डची सामनावीर म्हणून निवड करण्यात आली. फलंदाजी करताना फोबी लिचफिल्डने 89 चेंडूत 78 धावांची शानदार खेळी केली.
दरम्यान, या सामन्यात प्रथम फलंदाजी करताना टीम इंडियाने 50 षटकात 8 गडी गमावून 282 धावा केल्या होत्या. टीम इंडियाकडून फलंदाजी करताना जेमिमाह रॉड्रिग्जने सर्वाधिक 82 धावांची खेळी खेळली. या खेळीदरम्यान जेमिमाने 7 शानदार चौकार लगावले. याशिवाय, यास्तिका भाटियाने 49, रिचा घोषने 21 आणि दीप्ती शर्माने 21 धावा केल्या. ऑस्ट्रेलियाकडून गोलंदाजी करताना गार्डनर आणि जॉर्जिया वेरहॅमने प्रत्येकी 2 बळी घेतले.
ऑस्ट्रेलिया महिला क्रिकेट संघाने 46.3 षटकात 4 गडी गमावून 282 धावांचे लक्ष्य गाठले. ऑस्ट्रेलियाकडून फलंदाजी करताना फोबी लिचफिल्डने सर्वाधिक 78 धावा केल्या. याशिवाय, एलिस पेरीने 75 धावा, बेथ मुनीने 42 धावा आणि ताहलिया मॅकग्राने 68 धावा केल्या. टीम इंडियाकडून गोलंदाजी करताना रेणुका सिंग, पूजा, दीप्ती आणि स्नेह राणा यांनी प्रत्येकी 1 बळी घेतला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.